14 Noowammburu 2006, ko ñalawma mo fedde Adunayankeere Cellal (OMS) toɗɗii yo o won ñalngu jabet. Mo ngu mawnine e nder winndere nde kala.
Faanditoraa heen ko sarde miijo wonnde kala neɗɗo gonnduɗo e jabet maa walla neɗɗo kulanaaɗo ɗum ina haandi e ndeenka ceniika e safaruuji ɓurɗi moƴƴude kam heblo moƴYo. Hitaande hikka, OMS e dental adunankeewal jabet cuɓii ko tiitoonde “Jabet : ceertuɗi fof, potɗi fof ». So en ngartii e rafi o, omo sarii no feewi : ko ɓuri 180 miliyoŋ neɗɗo ina ngonndi e makko e nder aduna he. ɓonannde OMS haa jooni, limoore nde maa sowo laabi e huunde ɗo e hitaande 2030.
Wonannde ɓetooji OMS, ko ɓuri miliyoŋ neɗɗo maayii e hitaande 2005 tawi ko jabet o woni sabaabu mum. Ko ina tolnoo e 80% maayɗeele sabu ñawu ngu waɗata ko e leyɗeele pamare doole. Feccere e maayooɓe sabu makko ko yimɓe ɓe duuɓi mum en njettaaki 70.55% yimɓe maayooɓe e maggu ko rewɓe. Fedde ngenndiire cellal ina tijjii wonnde maayɗeele ɗe jabet saabotoo maa ɓeydo ko ɓuri 50% e nder leyɗe pamare doole e nder duuɓi sappo garooji so tawii peeje keñoraaɗe ɓamaaka.
Mammadu Maamuudu Baal
Yoogirde: fedde OMS
