Fuɗɗi ɗee bone e leydi Niiseer ñalnde 15 abril 1974, ko biyeteeɗo Seyni Kuñce pollunooɗo laamu Hammaani Joori, hooreejo gadano leydi ndii caggal nde jeytii. Oon ne polle laamu tati moccii e yandinde ɗum e kitaale 1975, 1976 e 1983. O sankii kisa ñalnde 10 nowamburu 1987, biyeteeɗo Aali Saybu lomtii mo.
E hitaande 1991 ko lolliri Mooɓondiral ngenndi (Conférence nationale) toɗɗii guwarnama siwil yo ardo deftugol e laawol demokaraasi : woote njuɓɓinaa e lewru mars 1993, Mahamaan Usmaan suɓaa Hooreejo leydi. Kono koninke biyeteeɗo Ibraahiim Bare Maynasara waɗi mo kuudetaa ñalnde 27 saawiyee 1996. Oon ne maayi ko e kuudetaa ñalnde 9 abril 1999, e gardagol kumaandaŋ Daawuuda Malam Wanke, jaɓɗo rokkitde siwil en laamu nguu.
Woote njuɓɓinaa ñalnde 24 noowamburu 1999, Mammadu Tañnjaa (gonnooɗo koninke) suɓaa yo won Hooreejo leydi. Kono o follaa ñalnde 18 feebariyee 2010, kono koninkooɓe ɓee kunii rokkitde siwil en laamu nguu. Woote njuɓɓinaa e darorɗe 2011, biyeteeɗo Muhamadu Isufu suɓaa Hooreejo leydi. O waɗi e laamu duuɓi 10 ɗi laawol yamiri toon ɗii, Muhamadu Basum toɗɗaa yo lomto mo e woote Hooreleydaagu ñalnde 21 feebariyee 2021. Hade makko fiileede, woodi ennduɓe jamfaade mo ñalnde 30 e 31 marse 2021, kono ɗo yahanoo artaa fof, o fiilaa ñalnde 2 abril 2021.
Bookara Aamadu Bah
