Persidaa Obama fellitii neldude diwooje ɗiɗi fat, biyeteeɗe Predators to Libi, caggal nde diwooje OTAN natti waawde seerndude hakkunde soldateeɓe Kaddaafi e rebel en haɓооɓе е mum ɓee.
Predator (conngojum e Pulaar) noon, ko ndiwoowa ba alaa konndiroowo, nganndiraaka “Drone” (doron). Omo wiyee kadi Reaper (moññojum). O weeyata ko dow, ɗo hay huunde waawaa heɓde mo (wonaa misilaaji Kaddaafi werlotoo ɗii ɗee), 15 km dow leydi, omo rimndi fotde ton e feccere bommbooje, hono 14 milsil biyeteedi “Hellfire ” (jayngol jahannama), battamboniiji. Gonɗo e leydi yiyataa ɗe e oon nokku, tee eɗe mbaawi weeyde ko juuti ɗe njuuraaki.
Konndiroowo ɗee diwooje hare ɗiɗi ngoni ko too e Amerik, to kanndaa nokku ina wiyee Creech, to Newadaa. Ɗo o jooɗii ɗoo alaa ko o hucciti so wonaa ekraa, omo tami Joystick (ko sukaaɓe kuutortoo so ina pija koo : yeew natal). Kono noon ɗo o woni ɗoo, ko kanko toɓɓata, ko kanko kadi fellata, walla yamirta misil cinndiiɗo too (ngoɗɗeeki hakkunde maɓɓe ko hedde 10 000 km) yo hokkito. So o ñoyyii ɗoon buton, misil oo sinnditiima, feere alaa, fidat tan, woofataa bada. Waɗi ɗum, ɗowata geɗe ɗee kala ko satelitaaji maɓɓe gonɗi nder weeyo.
Bookara Aamadu Bah
