Jofnde aset 15 ut 2026, ƴiiwoonde mawnde yanii e Tiisiksa, haa ndiyam hujjiti laabi e galleeji, bonni ko heewi. Ɗuum addani diiwal konu 8ɓal dogde law ngam faabaade yimɓe jookinooɓe e addande ɗum en ballal keñorangal.
Jaahiya kaa noon haaɗaani tan e Tiisiksa sibu ka yettiima Tiisiit ɗo toɓo ngoo bonni ko heewi kadi, haa konu ari faabaade yimɓe. Hikka noon heewɓe ine ngoytoo ŋakkeende toɓo, rewo e hakkunde Muritani oo kam tinaani ɗuum, sibu toɓooli ɗii mbonnii toon ko heewi. Sewnde : armee.mr — Communiqué du 17 août 2026
SNIM yaltinii miliyaaruuji 2 dolaar USD ngam eɓɓaande AL-AOUJ
Fedde SNIM (Fedde ngenndiire Mbaylaandi e Oogirɗe) taccii daamal kimmungal ngam ƴellitaare mum. Ɗuum addani nde fellitde waɗde heen kaalis kaawteteeɗo keeweendi, so miliyaaruuji ɗiɗi dolaar Amerik pawɗi (800 miliyaar ugiyya men ɓooyɗo oo) ngam gollaade oogirde njamdi tekkundi, wonnde he saraaji Suwoyraat, rewo Muritani.
Faandaare ndee eɓɓaande ko ɓeydude kattanɗe njeñtingol SNIM yantude e kesɗitingol mahaaɗe dusngo, haa teeŋti noon e laawol njoorndi hakkunde oogirɗe ɗee e tufnde Nuwaadibu, ngoota e laaɗe njoorndi winndere ndee ɓurɗe juutde. Sewnde : Points Chauds / Cridem — Août 2026
Jeejeere maayo konuuji Muritani e Senegaal
Ngam tiiɗnude gollodagol e jahdingol siyno golle hakkunde leyɗe ɗiɗi ɗee, Jeejeeyre (patrouille) konu diƴƴe Muritani e Senegaal fuɗɗaama ñalnde 17 ut 2026. Faandaare jeejeeyre ndee ko hisnude laabi beforɗi denndaaɗi, reende njulaagu ngu rewaani laawol, e tiiɗtinde dartadagol ruubo taccikeeriwo. Ɗuum ko caggal yah-ngartaa keewɗo hakkunde leyɗe ɗiɗi ɗee, ngam siifdude nanondire, haa arti to Goomu Mawngu hakkunde Senegaal e Muritani. Jeejeere ndee waɗi ko e yonta ɗo leyɗe ɗiɗi ɗee ngollodtoo ɗo ɓadii he eɓɓaande gaas Grand Tortue Ahmeyim (GTA).
« Gollondiral konuwal hakkunde Muritani e Senegaal naatti ko e gollondiral kuuɓtodinngal naworngal yakawere, e kisal, e awo e jolngo », e wiyde Bayyinaango konuuji ɗiɗi ɗii, ñalnde 17 ut 2026.
Ƴoogirde: armee.mr / Allafrica — 17 août 2026
Bookara Aamadu Bah
