Capanɗe tato jaaynoowo keblaama e binndol e jaŋde mawɓe e nder ɗemɗe tati ngenndiije Burkinaa (Moore, Julaa e Fulfulde), tuggi 6 haa 16 saawiyee 2010. Ko jaaynooɓe heeriiɓe e jaaynooɓe dowla kala, keblaa ngoon heblo. Laamu maɓɓe hollitii wonde ƴellitaare ɗemɗe ngenndiije jeyaa ko e geɗe ɗe ɓe ngardini e golle maɓɓe . Jaaynooɓe ɓe kollii heen softeende e weltaare no feewi sibu ɓe mbasiyiima nde hebloo ngo yaajtintee haa yettoo denndaangal jaaynooɓe leydi ndi. Ina teskaa tan humambinneeɓe ina keewi e leydi he. Ko ɗum tagi kadi laamu ngu hollitii wonde ina anniyii sosande dowri ndi rajooji keeriiɗi.
Pulareeje : Golle e balle -Wonaa heewde haala darnata galle -Wonaa mawnude waare woni hellifeede : – So a wiyii aɗa yiɗi neɗɗo, ko haala heewɗaa, so a wiyii aɗa añi neɗɗo, ko hunnduko mbonɗaa.
- Demoowo na yeeƴoo remataa ko heewi.
- Ɓuttiɗinde hoore wonaa heewde hakkille.
– Wonaa mo reedu mawndu fof woni debbo reedu. Enen fof eɗen mbiya eɗen njiɗi Fulɓe, gooto e men fof yo waɗ ko waawi njaltinen yimɓe men ɓe njiyataa binndi kam e eggahoɗaaɓe e majjere nde ɓe ngoni e mum ndee, ɓe njannga ɓe ngannda hakkeeji maɓɓe. Wota en njooɗo tan eɗen keɓɓina haalaa, eɗen mbiya eɗen njiɗi Fulɓe, tawa noon hay fus en mbaɗaani.
Kdl : Aamadu Hasan Boli.
