Fedde nde wonaa laamuyankoore (ONG) wiyeeteende «Transparency International» ina bayyina hitaande fof doggol leyɗe ɗo nguyka ɓuri heewde nder gollirɗe laamu. E nder ko arata ko, min kolla on leyɗeele 10 gadane ɗo nguyka ɓuri heewde, gila e Hooreeɓe e Jagge Laamu, haa yettii « fooftimeere’en ». Muritani woni ko e toŋngoode 115, ndi foti e Sambia e Misra e Malawi e Niiseer e Maldiɓe. Senegaal woni ko 85, Mali ko .
Leydi Somalia, ɗo mo woni fof waɗata ko ko welaa, leydi ndi alaa kulo alaa kajo, ko ndii woni toŋngoode 1 ɗo nguyka ɓuri heewde.
Toŋngoode ɗiɗaɓere, ko leydi Birmania, ɗi koniŋkooɓe ngardii, ɗeɗɗi ɓesngu e heertooji dawrugol… Natal ngal hollata ko hooreejo koniŋkooɓe, General Than Shwe. Ɗo « General » yiyaa fof maa banndi mum inan sara ɗoon…
Ko leydi Irak woni tataɓiiri to nguyka. Leydi ndi Georges W. Bush ɗeɗɗi haa natti fettaade, joɗɗiɗi lelnanɓe USA daande. Oo debbo ari ko juuraade yanaande jom-galle mum ñalnde Juulde Taaske, worgo wuro Bagdad.
Leydi Haïti nder duuɗe Caraibe ko kam deernii e toŋngoode ñaɓere. Oo diiwan fof ko Haiti ɓuri waasde, kadi ko
ɗoon nguyka ɓuri heewde. Oo debbo e sukaaɓe mum njoyo, fadi ko ballal haa ɓe ndaña ko ɓe ñaami. Deernii e toŋngoode joyaɓere ko leydi Afghanistan, ɗo USA hippii ina wara ɓesngu jamma e ñalawma. Ƴeewee oo suka debbo jaangaaɗo, mo alaa ko ñaami.
Sudaan, leydi Umar El Hasan El Bashiir ko kam deernii e toŋngoode jeegoɓiire. Ɗoo kadi ko « General » woni hooreejo leydi. Balle aduna addata ko ɓofaaɗe e bankeeji. Wolde Darfuur et kareeli Worgo-Sudaan ndewii ɗoon. Oo ko Idriss Deby… Gobi gontuɗo kam ne « General » addi leydi Tchad haa toŋŋinii e toŋngoode jeeɗiɓere. Ndewee feeɗeendu am yomnordu feewde e « generaluuji » arɓe ngaddi nguyka e feaande. Nagge diwataa ɓiyi mum (ɓiyum) sora.
«Transparency International » joɗɗini e toŋngoode jeetaɓiire ko Gine mo Konakiri. Ɗum ko natal Ahmed Tijjaani Suwaare, hade « General »Lansana Konte saŋkaade… « Kapiteen » teettii laamu, hade makko wontude kaŋko ne «generaal »… ndewnen gite.
Toŋngoode jeenaɓiire ko Gine Equatoriale. Leydi deelotoondi peteroŋ, leydi ndi galle gooto woni fof e gardagol Teodoro Obiang Nguema…
Jooɗii e toŋngoode sappoɓiire ko Kongo RD, mo Kinshasa. Leydi ɗo kareeli ngasataa, leydi fella-laamoo, fellee-yalta…
