Ko ɓooyaani koo, weeyeeɓe keɓtinii hoodere laaci hesere, inniraande tawo C/2025 R3, jogornde ɓurnde teskinde nder duuɓi capanɗe jawtuɗe ɗee. Ko nde fuɗɗii ƴeeweede koo, tawaama ande waawi yiyraade yitere mehre e hitaande 2026 ndee. Ande ni ɓeydoo ɓadtaade seeɗa seeɗa Naange hade mayre yettaade lommet mum (toɓɓere jirlol mayre, ɓurnde ɓadtaade Naange) ɗoo e naatirɗe ceeɗu 2026. So nde hisii e nguleeki e caasal doole ɓaaƴo (doole yirlo), a nde waawi fuɗde laaci njuutndi no feewi, kam e gufa njuutka, lewñuka no moƴƴi ?
Annduɓe noon mbiyi wonde jikku laaciiru anndodtaako. Won e majje carkiittoɗe he laawol, hade mum en lewñude no moƴƴi ; won heen ɓuroyooji no sikkiranoo nii, lewñude to woɗɗi. So alaa ko falii ɗum, ndee laaciire ine waawi weloyde yeeɓde, sibu maa nde yiyro yitere mehre, soklaani huutoraade lonngorɗe weeyo.
Bookara Aamadu Bah
