Damal gadanal: kuule kuuftidinde
Kuulal gadanal: Oo ɗoo sariya woni faandaare mum ko firde hol ko sifortee macungangu, hasbude bonannde nde ɗo tolnii e haɓaade baɗe jowitiiɗe e mum.
Kuulal 2: Macungaagu ko ngonka aadee mo farlinaa e mum fannuji jeyi maa woni ko e heen fannu tan walla ko ko huuftodini.
Kuulal 3: Ina jeya e ko harminaa kala mbaadi paltoor no ina siforoo kala parlinaandi e neɗɗo biyeteeɗo wonde ko maccuɗo.
Damal ɗimmal: Bonannde e golle kaantare jowitiiɗe e macungaagu
Taƴre adannde: ko yowitii e bonannde(warkoyaagu) macungaagu.
Kuulal 4: Kala daraniiɗo waɗtude neɗɗo maccuɗo walla ittude mdimaagu mum e hurum mum maa soke e kaso ko ina tolnoo e duuɓi joy feewde sappo, fawee alamaan ko ina tolnoo e teemedde joy ujunere (500 000) haa miliyoŋ. Etaade waɗde bonannde waɗtude neɗɗo maccuɗo, joomum fawetee ko feƴtere kuuge potnooɗe faweede e baɗɗo bonannde o.
Taƴre dimmere: ko yowitii e golle kaantaare ko feewti e macuungangu.
Kuulal 5: Kala leptuɗo neɗɗo nanngiraaɗo ko maccuɗo maa soke tuggi lebbi jeegom haa duuɓi tati, fawee alamaan tuggi capanɗe joy ujunere haa teemedde ɗiɗi ujunere (200 000)
Kuulal 6: Kala keɓtuɗo jawdi neɗɗo goɗɗo nanngiraaɗo maccuɗo e dañal mum ummoriingal e warñeende mum walla ciifɗo kaake mum, maa soke tuggi lebbi jeegom haa duuɓi ɗiɗi, fawee alamaan tuggi capanɗe joy ujunere (50 000) haa heɓi teemedde ɗiɗi ujunere
Kuulal 7: Kala kaɗɗo cukalel jaggiraangel maccuɗo jontungel naatde jaŋde, naatde ekkol tawa faanditii heen ko huutoraade doole maggel maa soke tuggi lebbi jeegom haa duuɓi ɗiɗi, fawee alamaan tuggi capanɗe joy ujunere(50 000) haa teemedde ɗiɗi ujunere (200 000)
Kuulal 8: Kala kaɗɗo e dow nguyka neɗɗo nanngiraaɗo maccuɗo ndonu mum, maa soke tuggi lebbi jeegom feewde duuɓi ɗiɗi, fawee tuggi capandejoy ujunere (50 000) feewde teemedde ɗiɗi ujunere (200 000) walla fawee heen gootal e ɗee kuuge (kaso walla alamaan)
Kuulal 9: kalla desɗo debbo nanngiraaɗo korɗo, tawa wonaa e wellede mum, walla waɗa ɗum e dewgal walla haɗa ɗum reseede tawa wonaa e sago mum, maa soke tuggi lebbi jeegom haa duuɓi ɗiɗi, fawee alamaan tuggi capanɗe joy ujunere (50 000) haa heɓa teemedde ɗiɗi ujunere (200 000) walla fawee heen gootal e kuuge ɗe.
So tawii hawrii e nder dewgal he, resondirɓe ɓe mbirnodiima, debbo ina jogii hakke e teŋe gaadoraaɗe totteede ɗe etee amo waawi ɗabbude ceergal. Sukaaɓe dañaaɓe e dewgal he ko ɓiɓɓe gorko oo.
Kuulal 10: Naalaŋke walla ñeeño baɗɗo jime tawa ina mawnina walla ina jarfa macungaagu maa soke tugi lebbi jeegom haa duuɓi ɗiɗi fawee alamaan tuggi capanɗe joy ujunere (50 000) haa heɓi teemedde ɗiɗi ujunere (200 000) walla gootal e ɗeen kuuge (kaso walla alamaan).
Baañnjitagol e caaktugol ɗeen jime, baɗɗo ɗum fof maa fawe hono kuuge kalaaɗe dow ɗe.
Kuulal 11: kala neɗɗo nanngiraaɗo golle kiiseteeɗe ko paltoragal feewde e nanngiraaɗo ko maccuɗo maa fawe alamaan tuggi teemedere ujunere haa heɓi teemedde tati ujunere.
Kala fedde nanngiraande golle kiiseteeɗe ko paltoraagal feewde e neɗɗo nanngiraaɗo ko maccuɗo, maa fawee alamaan tuggi teemedde joy ujunere (500 000) haa heɓi miliyonaaji ɗiɗi (2 000 000)
Kuulal 12: kala ñaawoowo (Qaadi), waali, haakem, mawɗo ranndismaa sofaaji polis walla sanndarmori nooyniiɗo kabaruuji jettiiɗi ɗum ko yowitii e baɗe ciforteeɗe ko baɗtugol neɗɗo maccuɗo maa soke tuggi duuɓi ɗiɗi haa heɓa duuɓi joy, fawee alamaan tuggi teemedde ɗiɗi ujunere (200 000) haa heɓi teemedde joy ujunere (500 000).
Kuulal 13: kala dariiɗo e peeñcu ina aybina neɗɗo nanngiraaɗo ko maccuɗo maa soke tuggi balɗe sappo e goo haa heɓi lewru, fawee alamaan tuggi ujunnaaje joy (5 000) haa heɓi teemedere ujunere walla gootal e ɗeen kuuge tan (kasoo walla alamaan).
DAMAL TATAƁAL : KUULE KUUFTIDINƊE.
Kuulal 14: Waɗdude moojobere e jom bonannde e fillaade bonanndeeji joopaaɗi e nder oo ɗoo sariya ko geɗe gaddanooje joomum ñaaweede e rewrude e ko « code pеnal » sarɗi.
Kuulal 15: kala fedde daraniinde jojjanɗe aadee heɓtinaande to bannge laamu ina jogii hakke suurtude jaɓɓugol oo ɗoo sariya e tee daroo walla loraaɓe e jaɓɓugol sariya o. Kala noon dokkuɗo kabaaru mo alaa daliilu, tawa ko ayiiba tan maa soke tuggi lebbi jeegom haa heɓi duuɓi joy, fawee alamaan ujunnaaje sappo (10 000) haa heɓi teemedde ɗiɗi ujunere (200 000). So tawii ayiiba jowitiiɗo e balle macungaagu ummorii ko e fedde, maa nde fawe alamaan teemedere ujunere haa heɓi teemedde tati ujunere (300 000).
DAMAL NAYAƁAL: KUULE JOOFIIRƊE
Kuulal 16: kala sariyaaji gadiiɗi oo ɗoo sariya luutondirɗi e makko walla ɗi njahdaani e makko, pirtaama.
