samedi, octobre 18, 2025
Google search engine
AccueilJaŋdeDuɗal Pulaar Wanndaama, Kayhayɗi

Duɗal Pulaar Wanndaama, Kayhayɗi

Ko hooynantenoo so saamii teɓɓete.  Fedde Mooɓondiral sukaaɓe yarlitiiɓe kayhayɗi (regroupement des jeunes volontaires de Kaédi) gudditii duɗal pulaar to Wanndaama e nder Kayhayɗi, Ñalnde 12 ut 2024.

Fedde sukaaɓe kayhayɗinaaɓe wiyeteende ( R.  J.  V.  K )  ko fedde sukaaɓe rewɓe e worɓe renndinnde ko ina tolnoo e capanɗe jeegom suka debbo e gorko.  Nde sosaa ko 2017.  Gila ndeen fayi jooni,  nde dillii e fannuujii keewɗi ceertuɗi.  Go’o ngam Wallitde kumtaari ɗiin galleeji ɓurɗi famɗude semmbe e nder lewru koorka.  Ɗiɗi ngam wallitde laaɓal wuro Kayhayɗi haa e gure ɓadiiɗe.  Tati ngam rokkude robiñaaji ɗiin galleeji ɓurɗi hatojinde heen, tawi ngalanaa ɗum semmbe.  To bannge dawrugol ne, nde tawtoranooma yoga e diiñooji toɗɗiiɗi jojjanɗe aadee.  Ko wayino caɗeele kaaytaaji to etaa siwil ekn. . .  E ngol laawol noon ndeen fedde suɓii ko janngude pulaar.  Ɗuum waɗi nde udditi duɗal to leegal Wanndaama e nder Kahayɗi.  Tawi ngaal duɗal ina feccii e doge ɗiɗi :  1.  rogere fuɗɗotooɓe.  Woni he ndeen rogere ko ɓeen ɓe meeɗaani janngude pulaar.  2.   rogere hebleteeɓe e karallaagal janngingol.  Ndeen rogere woni heen ko jannginooɓe ekkolaaji laamu haa e ko wonaa laamu.  Tawi anniya maɓɓe ko dañde njooɓaari, mbele so ekkolaaji ɗii ngudditii, tawa eɓe njogitanii koye maɓɓe karallaagal ngal.  Sabu heewɓe e maɓɓe ina njiɗi jannginde he ɗemngal pulaar.  Jogii tolno gadano oo ko Ceerno Jibiruuru Ñaan (lollirɗo Ceerno Ñaanel).  Jogii heblo karallaagal jaŋde ko Daawuuda Sammba Ndonngo.  So won lommbiiɓe hakkunde kulol e cuusol to jaŋde pulaar dookaande ndee, Mooɓondiral Sukaaɓe Yarlitiiɓe alaa heen sikke.

Daawuuda Sammba Ndonngo

RELATED ARTICLES

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici

- Advertisment -
Google search engine

Most Popular

Recent Comments