He tonngoode Fooyre yawtunde ndee, en kaaliino ko faati he eɓɓaande ciimtol ngol annduɓe Giec mbinndunoo, jeertinoowol yimɓe ko faati e ɓeydagol nguleeki weeyo. Gila ndeen, musibbaaji weeyo koko ndeggondiri, ellee garɗi teeŋtinde ko ciimtol ngol haalnoo koo : toɓooli ɗuufanuuji to Siin, Inndo, Almaañ ekn, nguleeki ɓurtuɗi ko Kanadaa, cumuuji kulɓiniiɗi to Amerik, Turki, Geres ekn. Ellee tagofeere men ndee fof ko jappilnde ! Ɗii musibbaaji ine poti addande yimɓe fof faamade wonde ko wulletee he ɓedagol nguleeki weeyo e baɗte mum, wonaa haala ɓola !
