Gila e darorɗe 2018, Fedde Ɓamtaare Pulaar woni ko e heblanaade joɗnde mum mooɓondiral walla mbiyen batu kuuɓtodinngu. E nder ɗuum, cate fedde ndee kala mbinndanooma ngam ɗaɓɓireede yo neldu seedanteeje golle mum en, kabraa wonde joɗnde ndee anniyaa jooɗeede ko e lewru abriil 2019.
Kono, sabu keewgol golle potɗe hebleede ɗee, gila e denndingol seedanteeje cate, e seedantaagal Yiilirde ngenndiire e goomuuji mum, haa e keblugol binndaaɗe potɗe sakkiteede joɗnde ndee, yantude e ñoosagol lewru koorka (mee 2019), e kewuuji tijjaaɗi (woote gardagol leydi e lewru suweŋ 2019), ko jiidaa e daawal lebbi ɗiɗi ngal cate poti woppaneede ngam dañde no njuurnitorii seedantaagal Yiilirde ngenndiire ngal, Yiilirde ndee fellitii dirtinde joɗnde ndee haa e ñalnde aset 3 e alet 4 ut 2019.
