Ñalnde talaata 15 mee 2018, sanɗaaji Duɗal Jaaɓi-haaɗtirde Ndar (Senegaal), hono UGB laawinooma ngam ɗaɓɓude yo njoɓe bursiiji mum. Ɓe pelɓondiri e Sanndarmori haa sanɗa ina wiyee Fallu Seen waraa heen, ko jiidaa e gaañiiɓe heewɓe. Ñalnde 21 mee 2018 hooreejo leydi Senegaal hono Makki Sal, nelii Aminata Taal (Gardiiɗo Diiso faggudu e renndo) yo yettinan ɗum duwaawu to galle baraaɗo oo. E nder ɗuum oon yettinii baaba mum sanɗa oo miliyoŋaaji sappo ceefaa (miliyoŋaaji 6 ugiyya ɓooyɗo) nduwordi. Ko jiidaa e ɗuum, sanɗa oo ina ɗacci ɓiɗɗo. Laamu Senegaal wiyi waɗii ngel e ndeenka mum haa ngel daña duuɓi 18 : ɗum firti ko laamu Senegaal difotoo denndaangel geɗe maggel (ñaamdu e yardu, ɗuhngo, jaŋde e cellal). Makki yantini heen biyeeji ɗiɗi Makka jahol e gartol, ƴettugol jom suudu sanɗa oo e golle laamu kañum e neɗɗo goɗɗo jeyaaɗo e galle hee. Ko goonga fittaandu soodtotaako, kono ɗumɗoo kam ina usta sunu.
- Advertisment -