Ceerno ina ñaama kam tan gooto e lahal mum. Almudel makko ari jooɗii sara makko.
Ceerno wiyi ngel : “sonndu e mbabba tugal mbaawaa renndude lahal”
Amudel heñii jaabii : “Eey, waɗde mi diwii”
Ceerno seki, sappii leeptude ngel so ngel huñaaki winndannde maggel.
Nde waktu dursitagol yontunoo, Almudel huñii winndannde mum haa joofi, alaa fof ɗo telɓi. Ngam tuufaade ngel, Ceerno wiyi ngel :
- “Miijo aɗa yaha e laawol tan, haa njan-ɗaa e basi ɗiɗi : heen ngootu ina waɗi kaalis haa heewi, nguya ina waɗi ƴoƴre haa heewi. Hol heen ngu cuɓoto-ɗaa ?”
- Amudel wiyi “ko mbasu kaalis nguu cuɓotoo-mi”
- Ceerno jaabii : “sinno ko miin wonnoo, cuɓotoo-mi ko mbasu ƴoƴre.”
- Almudel jaabtii “iih, gooto fof ƴettata ko ko alaa !”
Ceerno ɓeydii maayde mette. O ƴetti alluwal almudel, o winndi heen « kasuul ». Almudel ƴetti alluwal mum, yahi ; haa ɓooyi arti, wiyi ceerno :
– “Ceerno, ko innde maa tan mbinndu-ɗaa e alluwal hee, a winndanaani mi ko pot-mi dursitaade !” Ceerno ƴuufi ina ndaara maayde mette. O seki, o wulli e maggel : “boowal ! mi rokkii ma yontere hurjo.”
Ngel ari e yaltude, ngel ƴeewi ceerno, ngel wiyi ɗum : “eskey, Alla ko Mawɗo !”
Ceerno jaabii wiyi ; “Ahaa, aahaa, hay Ibliis kay ne famɗaani.”
Almudel ina heppa ko ceerno joofnata, wiyi ɗum : “alaa baasi ceerno ! gooto fof jinnganta ko baaba mum…”
Ɗoon, ceerno faɗɗii.
Nokkuɗinal winndannde wonnoonde e Farayse, ittaande e Facebook. Nokkuɗini ɗum ko Bookara Aamadu Bah
