Yimɓe wata ngaam, yo mbaɗtu roosde gese ndunngu so hokkere waɗii ko juuti. Sabu puɗol ko ndiyam tan sokli. Ko ɗomka tan warata ɗum. Yo yimɓe kuutoro geɗe ballooje gese ɗee e heɓde keccol baawngol ɓenndinde ko remaa koo ; yo leydi ndii walle no yardi.
Yimɓe wata ngaam, yo mbaɗtu roosde gese ndunngu so hokkere waɗii ko juuti. Sabu puɗol ko ndiyam tan sokli. Ko ɗomka tan warata ɗum. Yo yimɓe kuutoro geɗe ballooje gese ɗee e heɓde keccol baawngol ɓenndinde ko remaa koo ; yo leydi ndii walle no yardi. E sikke am, ndiyam ɓenndinoojam sardiŋŋe sewo-sewo, tataɓal majjam, so yantinaama e ndiyam ƴiiwoole, so hokkere juutnde waɗii, ina waawi daɗndude gese ɗee e yoorde e bonnude tamperere mooɓe, ɓuri ko njooɗotoo tan ina padi e ƴiiwoonde nde anndaaka nde arata, tawa pewje keewɗe ina ngoodi ɗe ina poti sakkeede haa gese gawri e dene (poɗɗe) e ñebbe e gerte ndaña soñeede e waktu mum en e nder nde wolde mawngal ñabbuli wonaa, hono heege. Kala feere nde ina walla yimɓe e foolde heege, yo darane no feewi sanne ! E yiyannde am, yo geɗe garooje ɗee mbaɗe e gese ɗee ngam taaɗɗinde (leeltinde) ndiyam ndogojam ina wirtoo ngesa, mbele leydi ndii na yara ɗam nde toɓi kala. Ƴeew nate ɗee.
Ko wonaa ɗum koo, ko jarnugol ngol, hol no miijoriɗen ɗum : so tawii joom ngesa njowitiiba e toɓo, tinii won pate e ngesa mum mbaɗtii ñallinde, sabu toɓo wayrii, yo o ɓam bidoŋaaji maa barile makko, o fawa e saret makko, kikiiɗe kiirɗo walla subaka law, o hebbina ɗe, o adda; o loowa e reserwaar makko, o roosa pate ɓurɗe tampude ɗee fof. So o waɗii noon hay so toɓaani, nokku oo hokkataa, tee maa ko roosaa koo dañ mawnude e jibinde. No mbiy-ɗen nii, ndemanteeri ndii, sokli tan ko ndiyam. Omo waawi ittinde ndiyam ɗam e doosgol ngol, yo o yarnupooɓe ɗee tan, walla hunuko wullo woni ngaska ɗo wullo ngoo fuɗi ɗoo.
Ko golle noon ɗum naamnii ! Pulaar wiyi : “so ngaameele tawii baasal, ngaal baasal wontaa iw ” !!!
Sileymaani Kan
