Won annduɓe ndallinii wonde tageefo woni ko e ñaamtaade, walla mbiyen semmbe mum woni ko e ustaade. Hol batte ɗuum ? Batte ɗuum ko ngo natta woodde. Tageefo, woni kala ko tagaa : leydi, naange, koode, galaksiiji (jiiryiirɗe). Ɗumɗoo noon so nattii woodde, hol ko heddotoo ? Ɗuum, ko Alla tan anndi ko heddotoo. Kaalɗo ɗum oo, ko ganndo ina wiyee Simon Driver. Kanko ne oo tuugii ko e wiɗto annduɓe heewɓe woɗɓe mbaɗnoo, joopinoongo 200 000 jiiryiirgal (galaksi) : ɓe ɓet semmbe tageefo ngoo, ɓe tawi alaa ko heddii heen so wonaa feccere semmbe goonooɗo idan oo, goodnooɗo ko ina wona jooni miliyaaruuji ɗiɗi hitaande ko idii hannde, ɗuum woni caggal Big Bang. Kono hoto payee, so ɗum jokkirii noon, tageefo ngoo fof roytoyta haa laaɓa ko ɗoo e 100 miliyaar hitaande ! Oon sahaa so yontii, e wiyde annduɓe ɓee, tawata ko koode ɗee kala ñifii.
E ooɗoo sahaa, duuɓi tageefo (woni gila Big Bang) ina njahra hedde 13,8 miliyaar hitaande. Ndeke, ɗum suwaa tawo. * Big Bang woni ko annduɓe cifortoo fuɗde tageefo.
