Hedde hitaande 2020, Nasa ina anniyii sosde wuro dow lewru. Ɗumɗoon ko daawal gadanal ngam yillaade sato naange. Ɗum woni ko nokku Amerik toppitiiɗo ko fayti e weeyo haali ñalne altine 4 desammbar 2006, caggal nde diisnondiri e nokkuuji weeyo 13 e nder winndere nde. Ina jeyaa heen mo leydi Siin kam e pelle keeriiɗe. Ɗum ɗoo noon ko dawlo, ko daawal feewde tagofeere wiyeteende Mars. Oo ɗoo koloni maa ittu toon idrojen (hydrogène) e oksijen (oxygène) ngam feewnude ndiyam e isaas motoraaji fiiseeji. Ndeeɗoo lulnde fuɗɗortoo ko kippuuji yimɓe nayo lomlomtindirooji yontere kala, hade koɗorɗe ɗe parde. «Ndeeɗoo feere maa addan leyɗe jiɗɗe naatde e ngal ɗoo tuugnorgal wallondirde to bannge ngalu e wiɗto addanoowo en naatde e yonta keso njiylawu» ɗuum woni ko sokna Shana Dale, cukko Nasa haali.
Ameriknaaɓe mbayri yahde e dow lewru ko 1972.
Tesko : NASA woni Njuɓɓudi leydi Amerik toppitiinde ko fayti e weeyo e ganndal koode
