KARTE FEDDE : Ñalnde 27/05/2007 fedde nde ina yahra e terɗe ujunere e teemedde jeegom e capanɗe jeenay e jeetati (1698 kartal).
CATAL DAAR NAYIIM TO NUWAASOOT : Ñalnde alarba 30/05/07
Catal D.N. yettinii to Yiilirde Ngenndiire Ciimtol nguurndam Catal ngal. Terɗe catal ngal ko 206 ; e duuɓi jawtuɗi ɗi catal ngal yuɓɓinii lammba e kiirɗe ɗiɗi pianl tawi heen wootere ko e ballondiral e Goomu Pinal Ngenndi e ooɗoo sahaa catal ngal woni ko e jeeyngal mawngal ko faati e koppe fedde nde ; kadi catal ngal udditii Duɗal Keblorgal Jannginooɓe ñalnde Aljuma 25/05/07 to Leegal Zataar 8, to galle Hooreejo Teddungal Catal ngal, hono Mammadu Bookar Lih. Ina winndii e maggal jannginooɓe 13. Jaŋde nde ko nii yuɓɓiniraa : 1. Ñalnde Aljuma : waktuuji 18:00 haa waktuuji 20:00 ko Hiisa Ɗ waktuuji 20:00 haa waktuuji 22:00 ko Celluka Ɗ 2. Ñalnde Alet : waktuuji 9:30 haa waktuuji 11:30. Mammadu Njobbo Jah, Koolaaɗo Kuuɓal Catal Daar Nayiim , Tel : 650 38 54
CATAL LIKSEYBA (GORGOL) : neldii ɗo ɓataake binndaa- ɗo ñalnde 11/05/07 ina wondi e njaru njeeygu FƁ : T°40 (4 160 mb), e ɓataake mo 31/05/07 ngam neldude njaru T°41 (4 500 mb), ummoraade e Abuu Bookar Sal (Cukko Hooreejo catal) e Aamadu Aali Sih (Kalfinaaɗo Njeeygu FƁ). t CATAL SUWOYRAAT : addii ɗo, e junngo Hooreejo Catal o e hoore mum, hono Umar Muusaa Sih, tummbitte lammbuɗe ɗe, kam e njaru FƁ T°41 (8 000 mb). t CATAL KAYHAYƊI : neldii ɗo, tummbitte lammbuɗe ɗe, inawondi e njaru FƁ T°42 (4 520mb).
KABAARUUJI PELLE GOƊƊE
FEDDE DARANIIƁE LENYOL : ina mawnina hitaande ɗimmere soseede mum, ñalnde aset 09/06/2007, to NuwaasootDaar Nayiim, Leegal Ɗataar Ɓ, saanga waktuuji jeegom kikiiɗe. t FEDDE GELLAAY AALI FAAL TO NUWAASOOT : ina yuɓɓina kiirɗe ɗiɗi pinal peewtuɗe e PEKAAN, to Galle Sukaaɓe Keso to, ñalnde 8 e 9/06/2007, saanga waktuuji 9 jamma, e tawtoreede ɓeeɗoo naalankooɓe : Hammadi Ayse Jool, e Daawuuda Gellaay, e Sammba Duggel Saar. E nder hiirde ɗimmere nde, Fedde Pennda Saar ina jogori takkande Ibraahiima Saar galoŋ.
