“… Hakke rokketaake, heɓtete”
Mawninten ko FƁPM, duuɓi mum 30. Fedde nde so tawiino ko neɗɗo wiyetee ko sagata. Hersintonoo ko hanki nde njoo[i-ɗen ɗoo nde tawen fedde nde ina lada, kono en nganndii nde ladaani, ko sagata timmuɗo njogi-ɗen ɗo. Banndiraaɓe, geɗe keewɗe kaalaama ɗo, haa arti ko wayi no Duɗal ;emɗe Ngendiije, kono paamen fotde rokkirtaake, teettete.
Paamen kadi ko dental rookata yimɓe kala ko ina heɓee. On ndentii alaa ko ndonku-ɗen waɗde, alaa ko ndonku-ɗen dañde, kono so en carondirii, mo woni kala fayii bannge mun mi sikkaani so tawii ma en mbaaw lijjitde ko heewi. Miin kalfinaa-mi ko faggudu. Paamen yarlitare mehre waawaa gasde hannde, alaa e sago faggudu wona heen. Eɗen nganndi hannde njentudi ɓurndi yaawde ko e mikrookeredi, ko banndiraaɓe men rewɓe ɓe ɓuri jogaade ɗum, nde tawnoo hoolaare ko toon ɓuri heedtude, wonaa noon waaweede kono ko noon ɗum yahri. En mbaɗii mikrookeredi e nder FƁPM, eɗen nodda yimɓe ɓe yo ngar, tammboo ɗum, en mbiyaani ko Ɓamtaare Pulaar tan jeyi.
