Banndiraaɓe mi salminii on. Calminaali ɓurɗi teddude fayde e mon. Ñaagaade on yaafuya, sibu wonaa waawde haalde haalini mi ɗo. So yontii haaleede tan alaa e sago haalee. Mi jeyaaka e Fedde ɓamtaare Pulaar kono ko ɓe ngollotoo ko ko enen fof ɓe ngollantoo.
Miinne miɗo adda heen ballal am. Hono no muusee Gaako wiyri ni, mi tinii, e hitaande 1977, hitaande naat-mi lekkon, hirjinaango mawngo waɗaama wonde ɓiyɓe fulɓe yo njanngin. Rewii kam, e yiɗde mi ɗumɗoon, e faamde mi ɗumɗoon, addude heen ballal am. ɓiyaama wonde yimɓe ɓe ina teppii sabu mum en waasde naatde e pelle ɗe ngonaa laamuyankooje. Miin noon liggotoo mi ko e World Vision. No njiyru-mi, onon oɗon mbeli wallude, sibu ɓurnoo tiiɗde ko heptineede e leydi he.
Heddii ko peeje. Fedde World Vision ngon-mi nde, so min ngarii, min puɗɗortoo ko sukaaɓe, min paya to rewɓe, caggal ɗum worɓe. Ɗum noon mbaɗee feere mbaɗon koppe ballondiral. uum kadi ina jogii laabi ɗo rewetee, haa keɓoñamiroore. E oon sahaa, so on ngarii e nokku ɗo min ngoni, yeru leegal Sebka, ina waawi ndañon toon ko njiɗ-ɗon ko. Mi fammii e haala ka, ina jeyaa e caɗeele mon ronkude ko yoɓi jannginooɓe. So on ngarii, wallaahi ma min mballu on. E nder tuugnorgal fedde nde ngon-mi nde, Porose World Vision e porose Cruise, ina eɓɓaa jannginde mawɓe e ɗemngal Pulaar, Wolof, Sooninke e Arab fof e hitaande 2007. Ko yiɗde siftinde tan, kala ɗo neɗɗo woni yo ɗaɓɓir hujja mum. So ɗum heedii noon, ñaagii-mi ko yo on mbaɗ koppe, naaton heen, sibu naatirtaake neɗɗo gooto, naatirtee ko pelle…
On njaaraama
