Ñalnde Alet 27 ut 2006, 33 suka nattii FƁPM. Ɗum waɗi ko to catal Dar Nayiim, e nder Nuwaasoot. Ngam rokkude kewu o faayiida e teeŋtinde wonde addiɓe ko golle, ɓe ndawri ko fittude leeggal maɓɓe
Ko goomu pinal catal ngal, e gardagol hooreejo teddungal Mammadu Bookara Lih, hooreejo catal Abdul Sih e koolaaɗo kuuɓal Mammadu Njobbo Jah e kalfinaaɗo pinal Umar Siidi Bah e kalfinaaɗo ngalu Aadama Aali Sal ina wayi no ngardii golle ɗe. Aamadu Umaar Jah e Kalfinaado jokkondiral yiilirde Ngenndi Ifraa Alhadjji Boli nootitiima heen hooreejo F.B.P.M.
Pittugol ngol fuɗɗii ko waktuuji 10 subaka, yahi haa fawi seeɗa horeejo F. Ɓ. P. M. Aamadu umaar jah ari, o yotti o salmondiri e sukaaɓe fittatnooɓe ɓe, oon saha ɓe njokki pittugol haa polise, aɓe pitta mbeddaadji, ɓe njirlii e leegal ngal ha ɓe naati polise. Ndeen Mammadu Bookara Lih famminii polis wonde ɗumɗoo ko yartitaare FƁPM. Kamɓe ne ɓe kolliti heen weltare maɓɓe. E oon saha catal ngal yawti jokki pittugol. Ko hedde midi ɓe ndoontii ɓe payti galle hoorejo teddurgal Mammadu Bookara Lih, ɓe tawi ɗoon hoorejo FƁPM., yewtere waɗaa. Hoorejo catal, Abdul Sih, udditi yewtere nde : o holliti weltaare makko e renndo ngo. Ko e oon tuma hooreejo FƁPM. heɓi konngol, holliti weltaare mum no feewii, o faamninii sukaaɓe ɓe wonde neɗɗo ina waawi jeyeede e fedde woɗnde jeyee e FƁPM. So tawi ina ɗooftoo njuɓɓudi e doosɗe fedde nde. Hay so fedde woɗnde nde ina jogii doosɗe mum goɗɗe, yo a taw tan ɗum alaa ko waylata e fedde nde.
Hoorejo teddungol catal ngal Mammadu Bookara Lih heɓi konngol o faamnini sukaaɓe ɓe tawde ɓe taƴii karte maɓɓe yo ɓe paam hannde ɓe njeyaama e FƁPM. o faamninii ɓe wonde fedde nde wonaa fedde dawrugol, e nde jogii cate limtilimtinɗe e nder leydi ndi, maa yiilirde nde daro wallude ɓe e kala gollal. Ifraa Al hajji Boli heɓi konngol o holli weltare makko, o faamnini sukaaɓe goomu pinal, tiimi yiilirde catal ko yiilirde ngenndi, e kala ko ɓe cokli yo ɓe kollit yiilirde catal. O hollii wonde so eɓe njiɗi janngineede e won wondiiɓe heddiiɓe ina njiɗi jokkaade e fedde nde yo ɓe ngar. Kalfinaaɗo ngalu catal ngal, hono Aadama Aali Sal huniima ina waawi jannginde ɓe. O wasiyii ɓe nde ɓe njokkata tiiɗnaare. Ko hedde waktu 13 hooreejo FƁPM., Aamadu umaar Jah haali konngol mum caktiingol, o wasiyii sukaaɓe ɓe yo njanngu teeŋti noon e Pulaar. Ko ɗoo renndo ngo fof waɗi duuaawu, yimɓe mbaynondiri e nder welemma
