E lewru settaambar, habranooma wonde won abbere ɓakdi ɓurnde annoore yaawde yiytaa. Won ko kaalno-ɗen heen e tonngooɗe 90 Fooyre Ɓamtaare, nde mbinndaten “ɓetooji haralleeɓе e ɓe ganndal siyaas mbaɗi e ngabbon ɓakdi tuugorkon (ɓurkon famɗude, mbiyeteekon ‘Netirino’) kollitii huunde haawniinde : kon ndaɗii annoore e dogdu, woni kon ɓurii ɗum yaawde. Njaaweendi makkon yettiima 300 006 km, tawi noon, gandal kuutorteengal haa e oo sahaa, hiisii ko alaa ko ɓuri annoore yaawde (300 000 km e nder leƴƴannde wootere).
Kono tan, e oo ɗoo sahaa ɓe ngoni ko e hoolkisaade … « .
Caggal nde ɓe koolkisii ɗum noon, ɓe tawii ɓeto ngoo moƴƴaano, ɗum noon ko juumre wonnoo. Saabinoo juumre ndee ko kaɓirɗe ɗe ɓe kuutorinoo ngam ɓetde njaaweendi ɗee.
