Koolol 19 kawgel winndere fuku bal joofii e oo alet to Afrik Bannge Worgo. Ko leydi Espaañ nawi kuubeeri ndii (raay o), nde fooli Hollande 1 e 0. E ngel waawi innireede kawgel guleet : Guleet ko Afrik ina yuɓɓina duuɓi 80 nde kawgel ngel fuɗɗii. Guleet ko leydi njogiindi kuubeeri ndii (Itali) e cukko mum (France) ina kootda e daawal gadanal. Gulleet ko Espaañ ina yaha finaal, Guleet ko leydi njuɓɓinndi ina yaltinee gila daawal gadanal. Guleet ko kippu Espaañ ina nawa kuubeeri.
E nder laabi 19 ɗi kawgel ngel yuɓɓinaa, Orop nawii laabi sappo, Amerik Bannge Worgo nawii laabi 9. Ko Bresil ɓuri heewde ko nawi, laabi joyi rewi heen ko Itali laabi 4, Almaañ nawi laabi 3. Haa ɗoo ko leyɗeele 7 nawi kuubeeri ndii. Hikka biituuji 145 naatnaama. ɓuri heewde ko naatni e biituuji ko Ko Dawid Willa mo Espaañ ɓuri heewdeko naatni kam e Seidjer mo Hollande yantude e Jego Forlaan mo Uruguay e Thomas Mueller mo Almaañ.
Ko leydi Koree Bannge rewo ɓuri heewde ko naatnaa, biituuji 12. Alseri e Honduras kootii naatnaani hay ɓoggol gootol. Ko Jego Forlaan mo Uruguay suɓaa ɓurɗo laaɓeede pettugol, Muller mo Almaañ waɗaa ɓurɗo jogeede ɗamaawu e sukaaɓe ɓee. Ko Almaañ jogii ekpi ɓurɗo famɗude duuɓi. So a renndini duuɓi maɓɓe fof a feccitiima ɗum e maɓɓe mo woni fof dardatoo ko e duuɓi 24 e lebbi 9.
Aadi garoowo e kawgel ngel ko 2014 to Bresil. Ekip ɓurɗo heewde ko naatni ko Almaañ, biituuji 16, ɓuri famɗude ko naatnaa ko Espaañ ; baluuji 2.
Hammee Lih
