Caggal nde goomu jaŋde felliti ɓamtude Duɗal Keblorgal Jannginooɓe (DKJ) e Duɗal Fannuuji (DF), goomu nguu yamiriino yo cate ɗee nuldu ɗum doggi fotɓe waɗeede ɓeto, mbele naatde he duɗe ɗee. E oon tuma, cate ɗee nuldiino doggu mum en. Ɗuum ko caggal nde ɓe koolkisii tolnooji ɓeen. Catal Daar-Nayiim, Sehilibaabi, Raybaani (Irkiis), Sebka, Riyaad, El-Miina, Arafaat, Sahre Ndoogu, Gural, Baabaaɓe, Haayre Gollere, kam e peŋgal Teyaaret. Limoore fayɓe DKJ wonande cate ɗee pop ko 37, heen 22 ko worɓe, 18 heddiiɓe ɓee ko rewɓe. Limoore fayɓe DF wonande cate ɗee pop ko 31, heen 13 ko worɓe, 18 heddiiɓe ɓee rewɓe. Fayɓe DF ɓetaa ko ñalnde aljumaa 03/05/2024, ɗo jooɗnde FƁPM ɗoo. Fayɓe DKJ ɓee ɓetaa ko ñalnde aljumaa 10/05/2024, ɗo jooɗnde fedde ɗoo.
Golle ɗee cahtaa ko ñalnde aljumaa 10/05/2024. Wonande DKJ, he nder 37 waɗnooɓe kawgel ngel, ko 31 ɓenni, heen 18 ko worɓe, 13 heddiiɓe ɓee ko rewɓe. Wonande Duɗal fannuuji, he nder 31 winnditinooɓe ɓee, 25 ɓennii, worɓe 10 e rewɓe 15. Ƴeewee doggi njaltudi ndii. So Alla jaɓii, ɓooyataa Goomu jaŋde fuɗɗoo heblooji ɗii.
Mammadu Njobbo Jah, Kalfinooɗo Jaŋde Ngenndi
