Ñalnde 27 Morso 2021, seto jannginooɓe pulaar (fulfulde) yottiima ɗoo he nder Kucaala (Mali), tawi ngo ummorii ko Nuwaasoot (Moritani), ngam nootitaade he noddaango gorko pullo innaaɗo wiyaa: MAMMADU AAMADU BAH, mahɗo galle pulaagu, inniri mbo DANKI GAYNAAKO. Tawi omo sompori he nder oo galle geɗe finaa tawaa e jaŋde pulaar.
Ko e nder ɗuum o inniri duɗal ngal ko AAMADU HAM PAATE BAH. Woni sabaabu garal ɓee seernaaɓe he nder leydi Mal (Kucaala) ko ngam jannginde e hirjinde ɓiɓɓe fulɓe ko fayti e nafoore jaŋde pulaar. Ɓeen seernaaɓe noototiiɓe he ngoo noddaango ko Aamadu Dulo SOH, Raki Usmaan KAMARA, e Jeynaba Kayyaa JOOP.
