Groeland ko leydi limteteendi he Danemark, ko leydi gaɗa maayo kiisteendi he Dental Orop, ngonndi hakkunde wuddu leydi rewo e geec atalantik. Kayri fof e wonde rewo Amerik, ndi jeyaa ko he Orop (Norwees e Danemark). Kayri woni duunde ɗimmere to bannge mawneeki. Nayaɓe tati (3/4) wertallo mayri huurii he mum ko faɗo tekkungo galaas. Fotde 56 421 neɗɗo ine koɗi e mayri (limaaɓe ñalnde 1 saawiyee 2021). Leyɗeele winndere ndee fof kayri ɓuri serwude koɗki. Groenland jeyaa ko he Arktik (Arctique) hono nokku gonɗo nder e saraaji wuddu leydi rewo, ko leyɗe kuufɗe Geec Arktik : Norwees, Suwed, Finlande, Riisi, Dental dowlaaji Amerik (Alaska), Kanada, Danemark (Groeland), Islannde. Ko ɗee leyɗe jeetati ngoni Diiso Arktik.
Bookara Aamadu Bah
