Mboɗo heewi wiyde Fulɓe ɓe njokkondirat-mi ɓee, wonde Fooyre Ɓamtaare ɓuri heewde (e faayodinde) loowdi hay jaayɗe keewɗe tuubankooje. Kala nde naat-mi jeere Kayhayɗi, mi naamnoto Aadama Bah (cippoowo oo) hesere ndee. Muusi mi heen tan ko jaaynde (ndee) saraaki no foti saroraade nii. Mboɗo yenanaa hay banndiraaɓe men heewɓe wonɓe e bannge worgo ko woƴaaɓe hono mayre. Mboɗo anndi ko on miijiiɓe ɗum laabi keewɗi, kadi paam-mi on mbaɗii fotde mooɗon. Jawɗeele e ngaluuji ngalaa.
Daartol Fedde mon ko teeŋtinoowol ko taɓɓit’te so tawii hatanteeɓe ndariima. Kersu-mi tan ko ŋakku-mi ko jogaade doole wallude Fedde nde(e) mbele caragol jaaynde ndee ina ɓeydoo. Yo tonngoode teemedde ɗiɗi taw jaayndeyankooɓe tele Muritani ina tuugnoo e binndanɗe mooɗon ! …
