Tuggi 1990 faande hannde, ñawbuuli heeñere ɓeydiima fotde 63%. Tee kañji ɓuri Sida waawde warde yimɓe. Ko ɗum woni ko jaaynde wiyeteende « The Lancet » yaltini. Yooɓtoraa ɗoo ko keewgol ñawu nguu fannuuji e raaɓo-raaɓo rewrude e jotondire njogoram, e cebam ɓalndu walla ndiyam e ñameele (ñawu heeñere A e E), kam e tiiɗgol njaru safaara mum.
Wiɗtooɓe feeñinɓe ɗum ɓee (to Londres, to Amerik) kollitii wonde ñawu nguu yooɓiima miliyoŋ e feccere neɗɗo e hitaande 2013 ndee tan, tawi noon Sida yooɓii ko 1,3 miliyoŋ neɗɗo, jontinooje 885 000 aadee e ndeen hitaande wootere.
Bookara Aamadu Bah
