Ñalnde 12 setaamburu (silto) Muritani siifondirii e “ Iwa Green Energy ” nanondiral 300 miliyoŋ dolaar Amerik (hedde 119 miliyaar ugiya ɓooyɗo) ngam mahngo tawtirde naange-hennduure, hono tawtirde gollortoonde Naange e henndu fof. Doole tawtirde ndee ine mbaawi yettaade 60 MW (60 megaawatt = 60 000 000 Watt). Ɗum firti ko so Naange ine saasi no moƴƴi, e so henndu ine wuttira no haaniri nii.
Ndee eɓɓaande jeyaa ko he feere « Desert to Power” nde Booñ afriknaajo ngam ɓamtaare (Banque africaine de développement (BAD)) ƴetti ngam wallude keɓgol Muritani yakawere laaɓnde (woni yakawere nde posnataa taariinde), duumotoonde. Ndee eɓɓaande ine foti yaajnude keɓagol yiite (électricité), e ustude yowitaare he jakawe ɓarakke kam e wallitde dokkugol yimɓe nokkuuji ɗii golle. Ɗum noon ko daawal jiytiniingal wonande Muritani ngam naatde e golle hakkunde leyɗe paatuɗe e « Sahel vert » (Sahel haakeejo).
