Josef Ki Serboo, daartiyanke mawɗo ganndaaɗo, miijiyanke mawɗo, neɗɗo politik Burkinaajo lolluɗo, sankiima subaka altine 5 desammbar 2006 to ɓagadugu tawi omo yahra e duuɓi 84. Ki Serboo jibinaa ko ñalnde 21 suwee 1922 to wuro Torna (Diiwaan Nayala hirnaangeɗ to Haute Volta ganndiraa- ɗo hannde Burkinaa Faso.
Kanko fof idii wonde ko wiyetee «agrejee» (agrégéɗ e nder fannu ganndal daartol e Afirik Ɓaleejo (to Sorbonne – Iniwersitee leydi Farayse ɓurɗo lollude- e hitaande 1956ɗ. Omo jeyaa e sosɓe Fedde Sanɗaaji Haute Volta to Farayse. Ko e hitaande 195Ɓ o ari Ndakaaru ngam jannginde. O sosi ɗoon Dillere Ndimaagu Ngenndi (Mln) O wonii hooreejo dowrowo ko fayti e JaRde e Nehdi kam e Cukaagu e Coftal Ɓalli Haute Volta, ummaade 196Ɓ haa 19Ɓ9. Ɗum ko hade makko daayde, sabu politik, to Ndakaaru tuggi 1983 haa 1992. Ganndo, winndiyanke ngenndiyanke, KiSerboo winndii deftere wiyeteende «Daartol Afrik Kuftodinngol» nde jidaa e nde Unesco muuli nde.
Ɗum ko caggal nde o waɗdi e musiɗɗo makko Sheex Anta Joop, wiɗtooji keewɗi jowitiɗi e daartol Afrik. O winndii defte goɗɗe ɗo o haalata ko fayti e geɗe renndo e pinal e politik.
Ki Serboo ko neɗɗo mawɗo, ganndaaɗo e nder nokkuuji janngirɗe toowɗe, yo won to Farayse (Orleans walla Parisɗ, yo won to Afrik hirnaange, haa arti noon e Senegaal e Gine e Burkinaa walla to Niiseer.
Tiitooɗe e Jeenaaje ɗe o heɓi limotaako: O wonii Docteur honoris causa to Ganaa e Itaali, o wonii tergal Diiso Siynoowo (Conseil Exécutifɗ Unesco e hitaande 19Ɓ0, o wonii hooreejo Diiso adunankeewo falsafa kam e gannde aadeyankooje e hitaande 1980 … En mbaasii ɗo ganndo Afiriknaajo mawɗo. Kono tan Josef Ki Serboo woppirii yontaaji garooji geɗe moƴƴe, jooɗɗe, ɗe mbaawii huutoraade ngam nawrude Afrik yeeso.
Bookara Aamadu Bah
