Heediiɓe : Abda Sal e Sagayre wul Muhammed Sirme. Jeyi ngesa ba ko biyeteeɗo Abda Sal. Kanko Sagayre wul Muhammed Sirme ina rematnoo ɗoo ngesa sara maɓɓe, kono ko luɓal wonnoo. Jooni noon o waɗti naatde ngesa Abda he. Ɓe ngullitii to Haakem, haakem noddi mo, wiyi mo yo o yaltu e ngesa njanana. Ɓe nduttii goɗngol e Haakem, oon noddi mo kadi reentini mo, kono o jaɓaani. O ɗacci haa o anndi Abda dawaani, o tawoyi toon rewɓe e sukaaɓe, o fiyi ɓe ha ɓe ngaa~ii. Gulaali ngarti wuro. Ɓe kaalani ɗum Meer Ñaabina, kono oon waɗaani heen fotde sibu araani hay ƴeewde ko kewi ko. Ɓe kaalani ɗum depitee diiwaan o, oon waɗi heen fotde mum. Kanko tooñɗo e tooñaaɓe ɓee kala ɓe nawaa Eeleega ñalnde 11-11-2007 ngam ñaaweede.
Gure ɗe cuɓii yimɓe ɗiɗo yo njah toon, hono Siidi Manngaane Jallo Aliu. Kono ɓe ndaraaki toon nii kamɓe waɗduɓe ɓe, ɓe ɗaccitaa kamɓe fof. Nii woni nulaaɓe wuro ngo ɓenni Nuwaasoot. Ɓe njiyndiri toon e hoohooɓe mawɓe. Ɓeen mbaɗi heen faayiida mawɗo, haala ka nana hannde to ñaawoore. Yo Alla seerndu ggonga e fenaande. Ko ɓee ngoni fiyaaɓe ɓe : Jom suudu Abda Sal hono Faarmata Muusaa, e Aamadu Abda Sal e Aysata Abda Sal e Pennda Abda Sal. To Mbaañ to, hay kaayit doktoor ɓe ndokkaaka, alaa ko haali safreede. Nate fiyaaɓe ɓe ngoni les ɗo. E kuɗol Mammadu Umaar (643 01 89).
E kuɗol Mammadu Umaar (643 01 89)
