Ɓeen tawtoranooɓe wolde adunankoore adannde, anndiraande 14-18. Gooto keddinooɗo o, guurnooɗo to leydi Farayse, sankiima ñalnde 12 mars 2008, omo yahra e duuɓi 110. O wiyetenoo ko Lasaar Ponticelli to safrirde mawnde to Farayse. O wirnaa ko ñalnde altine 17 mars 2008, tee, Farayse moɗtu foofaandu mum ngam waynondirde e gooto daraninooɓe ndimaagu leydi maɓɓe e wolde 14-18. Nikolaa Sarkosi kam e Shirak fof ina tawtoraa. Araaraayuuji kala tellinaama e ooɗoo ñalawma e nder Farayse no diidorinoo, ngam mawninde mo kanko e miliyoŋaaji jeetati e feccere dadaniiɓe Farayse e ndee wolde bonnde, ɗo taaniraaɓe men heewɓe keddii.
E nder Afrik hay gooto e tawanooɓe ndee wolde adannde (1914-1918) wuuraani hannde, sabu caɗeele nguurndam e ŋakkeende toppitagol laamuuji men. Ko kooninkooɓe njeetato tawtoranooɓe wolde adunankoore adannde keddii hannde e aduna hee fof. Nii ɓe peccitorii : Anngalteernaaɓe 3; Italinaaɓe 2; Ameriknaajo gooto ; Honngirinaajo gooto e Turkinaajo gooto.
Bookara Aamadu Bah
