ɓiɗtooɓe Nokku Amerik toppitiiɗo ko fayti e weeyo (NASA) mbiyi wonde keɓii kabaruuji kollitooji wonde yuɓɓo naange murliɗaani, hono no sikkiranoo haa e oo sahaa nii. ɗum ɗoon noon ɓe pawi ɗum ko e kabaruuji ɗi laakon mbiɗtowon biyeteekn Voyager 1 e 2 neldi ɓe.
Ko e hitaande 1977, NASA werlinoo koon laakon ɗiɗon, ngam ɗanngal juutngal e nder niɓɓe kammu, hono Voyager 1 e Voyager 2.
Voyager 1 faynaa rewo, Voyager 2 huccinaa worgo. Nde Voyager 2 yettii keerol worgo yuɓɓo naange, seerndi ɗum e naange ko 12,5 miliyaar kiloomeeteer, tawi noon, Voyager 1 kañum nde yettii keerol rewo yuɓɓo naange, woni hakkunde mum e naange ko 14,1 miliyaar kiloomeeteer.
E raɓɓiɗinaade, ko ɗum woni daliilu yuɓɓo naange murliɗaani, nde tawnoo ko naange woni wuddu yuɓɓo mum. ɗum noon, so tawiino ko ko murliɗi, toɓɓe gonɗe e keerol ngol fof potata woɗɗude naange. ɗum ɗoo noon, maa addan ɓe kamɓe annduɓe ɓe ƴeewtaade yoga e gannde maɓɓe paytuɗe e yuɓɓo naange nge.
Bookara Aamadu Bah
