To bannge wellitaare jaayɗe, Muritani woni hoore leyɗe Aarabeeɓe fof. Nder winndere ndee, Muritani ko leydi 67ɓiirі/179 to bannge wellitaare jaayɗe, yeeso Kowoyt 77, e Libaan 101, yeeso Kattaar e Tuunus 138ɓiiri, Ko ɗoon ndi wonnoo rawane.
E nder leyɗe Aarab ko Muritani tan jogii sariyaaji juɓɓinooji jaayɗe elektoronik, woni jaayɗe internet, ɗum jiidaa e ballal ndí rokkata jaayɗe keeriiɗe, puɗɗingal e hitaande ɓennunde ndee. Ɗum tawti rajooji e teleeji keeriiɗi udditɗi, hay so tawii noon ina teskaa ɗi teskaaki keewal pine leydi ndii ; yeru teleeji ɗii. Ñiŋoore men to bannge wellitaare ndee, ko to oon bannge, sibu, ina fotnoo, ɓayri Muritani ko leydi leƴƴi-leƴƴinndi, tawa rajooji e teleeji ina ngoodi e ɗemɗe keddiiɗe ɗee (Pulaar, Sooninke e Wo !of) walla kam tawa teleeji goodɗi ɗii ina ɗooftoo hay sinno ko laawol dotti koo (joyaɓe ɗiɗi), kañum fof e waasde nuundude.
No wayaa jooni nii wayi tan, ko no ko ɗemngal gootal tan rokkaa wellitaare tigi rigi. Eɗen teskoo noon to bannge jaayɗe binndaaɗe, hay so tawii eɗen njawi tawo geɗal Fooyre Ɓamtaare (heewaani heɓde abonmaaji), eɗen kamdinii ko nde jeyaa e jaayɗe keɓɗe ballal laamu hikka ɗee. Hare no foti fof, ɓuri yah mi ɗaldii ma e Alla !
Bookara Aamadu Bah
