Pade jiyooje laawol ! Ɗe ɗow maa haa cuuɗi mon !
A juumaani ko ɗuum winndaa e natal hee tigi ! So a weemii seeɗa, walla a majjii, so tawii ko ɗeen paɗe paɗɗi-ɗaa, ma ɗe kolle bolol. Ɗeen paɗe ina ngoodi hannde. Miijiiɗo ɗe oo, ko nii siforii ɗe : “Mi fellitii feewnude paɗe baawde nawtude neɗɗo haa cuuɗi mum en, ɗo o waawi wonde fof noon…. Paɗe ɗee ina mbaɗi, e tolno teppere ɗoo, ordinateer tokooso, ina loowaa e ngaanndi mum topirde karte, e boggol USB e GPS.
Faɗo ngoo ina jokkondiri e ɓoorniiɗo ɗum oo, sibu e ngo yaynoroo sereendu LED jamminooru laawol joomum foti rewde ngol. Faɗo waɗngo GPS ngoo ina jokkondiri e ñaamo ngoo. Ngoon ne ina waɗi ko hollitta ɗo neɗɗo oo yahrata, yolnde hakkunde mum e ɗo happani ɗoo. Paɗe ɗee ko paɗe nguru. Aɗe mbaɗi anteen ɗo caggal ɗoo, jokkondirɗo е satelit. Tee aee njooɗi kadi.
