Tagopeeje keewɗe nannduɗe e Leydi njiytaama e nder jiiryiirngal (galaksi) biyeteengal Fedannde malaaɗo (Voie lactée), ɗum woni jiiryiirngal ngal Naange e Leydi ngoni ngal. Mawneeki won e majje ina cowoo mawneeki Leydi fotde laabi sappo. Ɗe ngoni ko e nokku kenaniiɗo goodaangal ndiyam ndeelam. Ndaa, nguurndam waawaa wonde ɗo ndiyam alaa, no ɗam waawi siforaade fof noon. Koode biyeteeɗe “dooɓaaɗe boɗeeje ”ɗee, ɗuum woni koode ɗe pooynaani no feewi, ɗe njettaaki Naange men ngee wulde, ina keewi e nder jiiryiirngal men ngal, fotde capanɗe miliyaaruuji. E nder galaksi men oo, e nder 100 hoodere kala, heen 80 ko dooɓaaɗe boɗeeje, woni 80%.
Fotde 40% e ɗeen dooɓaaɗe boɗeeje ina njogii ‘Leydi’ e nokku mum en koɗotooɗo oo, woni ɗo ndiyam ndeelam waawi taweede ɗoo. Nde tawnoo kadi yoga e dooɓaaɗe boɗeeje ngoɗɗaani Naange men ngee, ɗum firti ko ina gasa tawa ko ina tolnoo e teemedere tagopeeje koɗotooɗe (nannduɗe e Leydi men ndii) ina ngoodi saraaji Naange, ngoɗɗeeki njaasndi 30 hitaande annoore. ( 950 000 000 km).
