Ko ardii fof mi salminii ma aan musiɗɗo teduuɗo, tiɗɗo e winndannde Fooyre Ɓamtaare. Do mbaaw-ɗaa wonde fof mi salminii ma, calminaali bele e teddungal. Miɗo ñaagono maa balɗe juuɗe e battane moƴƴe. Winndannde men hannde noon joopii ko Fedde Tabita Pulaagu.
Haalde nafoore TP noon weeɓaani, sabu nafoore TP ko huftondinnde. TP wayi ko no Gec nii. Geec juutuɗo e yiyannde yitere neɗɗo. Sabu aduna ko balɗe 3 : hannde e janngo e hanki. Hanki ɓennii, ko e hannde ngon-ɗen. En nganndaa ko janngo addata. Kono moƴƴinen njoorto men e Alla. Fedde TP wayi ko no kaŋŋe dimo nii. Murtulde njamndi ittaande e jayngol, joɗɗinaa haa ɓuuɓi bawlat kurum. Gannduɗo kaŋŋe so yiyii hocca jaggira juuɗe ɗiɗi hade saamde, sabu ina anndi ko nafata. Kono mo anndaa so wirtiima ɗum wiyata ko bolle puuyɗe hoccataa, sabu anndaa ko kaŋŋe woni ɗoon. Kono so tafaama, yarnaama haa wojji, seŋaama e noppi debbo jooɗɗo, kala jiyɗo ina anndi ko ko nafata woni ɗoon. Ndeen noon hoccooɓe noofta ɓee, ɓurata heewde e hoccooɓe mbeddoo ɓee. Sabii ɗum ko hankadi ko tafaama, faamaáma nafoore ndee ko woni.
Njiɗ-mi wiyde on tan ko Fedde Tabital bayyinaaka hakke mum. Heewɓe nganndaa mbele TP ina woodi, saka ngannda nafoore mum. Kono ɗuum fotaani wonde, hannde. Sabu kumpa nattii, sabu Alla addani en rajooji e teleeji e jaayndeeji e internet, kono haa hannde kumpa ina woodi tawo. Humpito fof e yaajde hannde ngoo ko internet. Kono internet humpitta tan ko jannguɓe yiyooɓe binndol, ɓe njanngani ɓee ina keewi. Ɗuum ko geɗel. Geɗel ɗiɗmal ko rajo, tatabel ngel ko tele. Enen noon en ngalaa rajo, en ngalaa tele mo njeyan-ɗen koye men, mo taƴ-ɗen hattam mum. Mbaɗen heen ko nafata en, tawa ɓiy pullo fof ina waawi yiytaade heen hoore mum. Ɗuum noon en mbaawaa yiytaade koye men haa timma tawa en ndañaani rajo e tele, tawa rewɓe men e cukalon men ina mbaawa anndude faandaare men. Sukaaɓе e rewɓe ngonaa sara e leñol, sabu ko kamɓe ngoodi jamaanu. So ɗuum ɓennii miɗo duwoo yo Alla jaabo mi, miɗo yeloo yo Alla sakko mi. Biɗɓe Fulɓe alduɓe leñol ngol nde njarlittoo coodana en rajo e tele, kala ko ina nafta leñol ngol. Eeraango am ngoo ko huɓtodinngo winndere ndee kala, kala biyoowo mbiy-mi e wiy-maa-mi ɗo mbaaw-ɗaa wonde fof ko aan haala kaa joopii.
Wonaa noon TP anndaaka, kono anndaaka no foti anndireede nii. Yimɓe fof mbaawata andidde nde ko nde ndañ-ɗen rajo e tele, ɓiɗɓe fulɓe Afrik fof, mbaawa yiytaade heen koye mum en. TP anndee e winndere ndee fof, coñce fulɓe e aadaaji mum e gannde mum fof mbaawa anndeede. Ngaccon hakke.
Ko Salli Sih Sakke mo ñaamataa hakke,
jooɗaniiɗo Fooyre Ɓamtaare to Maghaama. Noddirgel 46770262.
Salli Sih woni ɗoo ko e estijoo Rajo Senegaal. Wonande ɓe nganndaano, ko e sukaaɓe Tijjaan Aan heblatnoo oo toon o jeyanoo. Kono, nde Tijjaan Aan rutii e joom mum tan, o ummitii Ndakaaru, o joodtoyii Fuuta. ummitii Ndakaaru, o jooatoyil ruu Sakke mo ñaamataa hakke : Ko Tijjaan Aan noddirtunoo mo noon.
