Hanki, 9 maaris 2011, laamɗo leydi Maruk, hono Muhammed VI, habrii ko himmi no feewi wonande leydi mum, so fellitde waylude Doosɗe leydi mum, mbayliigu kuuftodinngu. Fayndaare nguun mbayliigu ko ɓeydude mbaawka gardiiɗo hilifaaɓe (premier ministre) kam e heertooji dawrugol (partiiji politik). Goomu toɗɗaama ngam sakkitde miijo oo e lewru suwee. Caggal ɗuum, so еɓɓaande Doosɗe kese lelnaama, woote diisnorɗe (referaandoom) njuɓɓinee. Muhammed VI limtii ko ina wona toɓɓe jeeɗiɗi gorwore ɗe mbayliigu nguu potata fawaade, ina jeyaa heen keɓtingol e nder doosɗe leydi hee goodaangal leñol «amasik» (amazigh), kam e ɓeydugol mbaawka gardiiɗo hilifaaɓe, kam e sompude ñaawoore rimɗunde. O haalii heen kadi tiɗtingol darnde partiiji politik.
Kaa ɗoo haala, ina holliti wonde laamɗo Maruk yolbinii ginol laamu mum, faamii wonde waklitere jibinaande Tuunus ndee, woorataa leydi mum, ɗum noon, iditaade ɓuri, sibu ko ɗum daɗndata mo, daɗndata leydi makko e jiibru e kareeli. Waawi jogaade ngal ɗoo cuusal tan ko neɗɗo kakkilɗo, ngenndiyanke. Hannde, yimɓe fof ina kawri wonde haala Muhammed VI kaa, ko haala teskateeka. Kala joginooɓe yaakaare, ina wayi no njogoraani areede aaccere, laamo Maruk sooynaani jikke.
Eɗen ciftina wonde seppooji puɗɗinooma yuɓɓineede e leydí hee ñalnde20 e 26 feebariyee e yoga e gure Maruk ngam daɓɓude mbayliigaaji. Ina wayi nо, ɗаɓɓааnde maɓɓe nanaama, jaaɓaama.
