Ozempic e Wegovy – leɗɗe lollirɗe juumtugol safaara jabet 2 e haɓgol e ɓuttiɗgol ɓurtungol – ine tuumaa soomde ɓural tataɓal, so reende jofe. Ko ɗuum woni tonngol teskinngol wiiño hollitaango ñalnde 9 settaamburu 2026 to Mooɓondiral hitaande kala Fedde oropnaare foofwal (Société européenne de pneumologie (ERS)) to Barcelone, e gardagol Porfesoor Chloe Bloom jeyaaɗo e National Heart and Lung Institute à l’Imperial College London).
Goomu nguu ƴeewtindiima 80 000 haa 88 000 doosiyee safaaruuji limrewi ɗi ñawɓe wonɓe to Angalteer, feccitiiɓe e pelle nay ceertuɗe. Heen fedde kala ƴeewndii hakkunde 20 000 e 22 000 kellifaaɗo gonduɗo e aasma walla ñawu fiɗo calɗi jofe e jofe nduumiingu, uddoowu, puɗɗinoongu safrireede lekki jabet. Njeñtudi ndii ina laaɓti : ñawɓe rokkanooɓe « semaglutide » pekkore mum en ngustiima hedde 40% e hedde 20% baawnugol BPCO (broncopneumopathie chronique obstructive) – ustagol mawngol tiiɗngol.
Ƴoogirde : ERS Congress, Barcelone, 9 sept. 2026 — ScienceDaily / Gizmodo / Deseret News
Bookara Aamadu Bah
