Ɓanndu neɗɗo ine soomi kaawisaaji keewɗi. Limooje kulɓiniiɗe ine cuuɗii nder kala fittannde ɓernde, kala foofaandu, kollitooje luggeendi e juɓɓugol ɓalli men.
l Ɓanndu neɗɗo ine waɗi teemedde ɗiɗi miliyaar ɓinnde (cellule), tawi heen
86 miliyaar ko ɗaɗi ngaanndi, e kiloomeete kiloomeete ɗaɗi ƴiiƴam. Limooje kaawniiɗe goɗɗe ine ngara les.
86 miliyaar ɗaɗol ngaanndi neɗɗo kellifaaɗo. Ndee limoore yerondiri ko e limoore koode nder Fedannde malaaɗo : limoore koode nder jiiryiirngal men ko hedde 100 miliyaar, won wiyɓe nde yettiima 400 miliyaar : 100 000 000 000 =1011 !
Hol ɓurɗo juutde likƴere ?
Ko ameriknaajo biyeteeɗo Charles Osborne : o waɗii duuɓi 68 omo likƴa dartaaki : Tuggi 1922 haa 1990 ! O waɗii fof ngam dartinde nde, o ronki. Kono nde nde dartotoo ndee, o tinaani nii (nde dartorii tan ko no nde ardunoo nii).
Neɗɗo kellifaaɗo ine saawi e reedu mum meeteruuji 5 haa 6 tekteki. Tekteki ine mbaɗi ñormbolli keewɗi, ɓedooji wertallo hakkunde majji e ɓalndu : so ɗi mbellitaama, ɗi mbertaama maa ɗi kuuro e 30 haa 40 m2 : wertallo galle no woorunoo !
Bookara Aamadu Bah
