E dumunnaaji jawtuɗi ɗii, mbeelu Kadaafi haɗii Nikolaa Sarkosi gardinooɗo warngo makko ɗoyngol. Sayf e Islaam, hono ɓiyi Kaddaafi amwɗo oo seeraano e wiyde wonde waɗi Farayse haɓaade Libi, ko yiɗde mumtude seedeeji keɓgol mum kaalis uutoraaɗe e kampaañ woote gardagol leydi Farayse e hitaande 2012.
Jooni kadi, haaletee ko haala ngalu Kaddaafi : hol no ngu foti ? Hol to ngu suuɗaa hee ? Wonande won ɓeen haralleeɓe, ko hakkunde 100 e 400 miliyaar dolaar (huunde nde haawnaaki sibu ko kanko e ɓesngu makko mbaɗatnoo ko mbelaa e ngalu Libi). Kadaafi laamiima duuɓi 42, ɗum noon o dañii tigi no o renndiniri jawdi. Hakillaaji haralleeɓe heewɓe noon keedi ko e Afrik worgo, ɗo sikkaa ɓe mooftatnoo kaalis maɓɓe e bankeeji. Kono aɓe njenanaa kadi alaa e winndere hee ɗo jawdi Kaddaafi filtaani haa teeŋti noon ko nanndi e Siwis en…
Tinndol : ndii jawdi fof, Kaddaafi haɗii ɗum Libinaaɓe kono naftoraaki, ɓesngu mum naftoraaki !
