Ɓataake njettoor faade e denndaangal jannginooɓe gila e duɗe leslese e ardiiɓe ɗum en e horooɓe jaŋde Njettoor amen kadi e jannginooɓe wonɓe e duɗe hakkundeeje (kolees e liisee) e ardiiɓe duɗe ɗee sabu golle maɓɓe paayodinɗe jibinanɗe en ko dañaa koo.
Njettoor amen kadi faade e ardorde Jaŋde diiwaaniyankoore Gorgol wonɓe e Kayhayɗi. Hitaande 2014-2015 fof e heewde caɗeele, jaŋde ndee fof no wayi leefde nii, gila e tolnooji sukaaɓe haa e ngonka jaŋde kaa, ittataa jannginooɓe ɓee, sabu kiram e yiɗde sukaaɓe men yo ngon, ndarii laŋ, e nder yarlitaare e cagataagal ngam huufde sukaaɓe yo ndañ tolno moƴƴo haa mbaawa sippirde e kawgelaaji garooji ɗii, ko wayi no : naatgol kolees, berwe, bakkaa. Sukaaɓe ɓee ina poti kañum enne kadi yetteede nde ɓe tiiɗnii e fellitde janngude, ɓe calii yawaare ngam ustude leefgol jaŋde e fappugol duɗe ɗee. Njanngee haatumeere wonnde les ndee, nganndon njettoor amen won ɗo fawii, wonaa huunde fepindaande.
So en ƴeewii Duɗal Yuɓɓaar liisee Kayhayɗi ina waɗi 3 150 almuudo, kañum e liisee dowrowo oo (lycée d’excellence). Liisee oo fof e ukkude almudɓe, dañii kam tan 150 gadmuɗo, yanti e 14 admuɓe e liisee dowrowo, fof woni 164 dañɓe bakkaa. Duɗal ngal ina fappi, ɓalal ngal ko janngal, janngirɗe ceɓoraani. Fof dey e waade noon, ardorde ndee e jannginooɓe ɓee e ɗowooɓe ɓee tiiɗniima kaaɗdi tiiɗnaare. Eɗen njetta Alla e annabiijo min, eɗen njetta ɓe, 201 almuudo keɓii bakkaa e Gorgol. E min ñaagii jaagorgal jaŋde ngal nde weltinta ɓe, yetta ɓe, ɓeydana ɓe joɓɗeele maɓɓe. E min ɗaɓɓi e jiknaaɓe sukaaɓe janngooɓe ɓee nde ɗaɓɓirta kalifu jaŋde nde artiranta en ɓeeɗoo jannginooɓe : Jum Hammadi, Kebe Alasan, Kebe Al Huseynu, Jah Umar Alasan to Liisee Tufnde Siiwe (Maatam rewo) e Caam Sheek Umar to Likseyba Gorgol. Ɓe ƴeftana en kadi Suufi Muhammed Mbooc jannginoowo hiisa, ɓe njoɓa mo njoɓdi moƴƴiri sabu teskaade humpito makko e karallaagal makko. Mi salminii on banndiraaɓe.
Sammba Gata Bah gooto e terɗe jiknaaɓe almudɓe Gorgol gonɗo Kayhayɗi. nod :46966264 E min ɗaɓɓi e kalifu jaŋde oo nde urmbitta duɗal kolees Tinza e hitaande 2015-2016; nde o mahata ɓalal liisee ngal, o feewnita taarorɗe ɗee e janngirɗe ɗee. Nde o ƴeftata gollotooɓe toppitiiɓe senaare (PNP). Nde laamu nguu ƴeewata ko waawi wallitde jiilirɗe diiwaaniyankooje ɗee jiknaaɓe sukaaɓe njoɓɗeele ngam hirjinde ɗum en.
Admuɓe e Bakkaa 2014-2015 to Gorgol
LM M SN LO Fofof
- Liisee Kayahayɗi 56 16 78 /// 150
- Liisee Magaama 11 /// 01 /// 12
- Liisee Mbuun 05 /// 02 /// 07
- Liisee Tokomaaji /// /// 00 /// 00
- Liisee Jowol 00 /// 00 /// 00
- Liisee Likseyba /// /// 00 /// 00
- Liisee Tufnde Siiwe /// /// 00 /// 00
- Liisee Sanngama /// /// 04 /// 04
- Liisee Excellence /// 14 /// /// 14
- Duɗal Lislaam /// /// /// 14 14
- FOF 72 30 81 14 201
