Tagofeere Leydi dañii funeere. Habri ɗum ko NASA (National Aeronautics and Space Administration” woni Njuɓɓudi Ngenndiyankoori Aeronotik e Weeyo dowla Amerik).
NASA wiyi yiytii tagofeere nanndunde no feewi e Leydi. Nde inniraa ko Kepler-452b. NASA wiyi ndiyam ina e dow ndee tagofeere, ina waawi nii tawa hay nguurndam na toon. Kayre ndeeɗoo tagofeere, kayre ɓuri Leydi mawneeki. Nde taarotoo ko naange mayre, nanndude kadi e naange men ngee (hoodere wootere) ko e balɗe 385 (woni hitaande toon). Leydi taarotoo naange ko e balɗe 365 (woni hitaande men). Kayre ndeeɗoo tagofeere, nde woni ko e “ñilkere Cygne” (constellation du Cygne).
Hakkunde men e ndeen ñilkere noon ko 1 400 hitaande annoore. (9 460 800 000 000 kiloomeeteer : 9 460 milyaar e 800 miliyoŋ kiloomeeteer).
“Cygne”, e Farayse ko innde ndiwri : ƴeew natal ngal. ko Kaaca-puuca walla ?
