Hikka ko haawnii waɗii e kawgel fuku ngel : ardii leyɗe kippuuji jaggondirɗi e kommbaa cakkitto oo, hono Almaañ e Arsaatiin, ko rewɓe. Ardii leydi njuɓɓinndi kawgel ngel, hono Beresiil, ko debbo. Ɗum noon kawgel hikka ngel ko teddungal rewɓe fof, haa arti noon wonande rewɓe leyɗe kaal-ɗen ɗee. Ɓeen rewɓe ngoni Dilma Rusef hooreejo leydi Beresiil e Angela Merkel hooreejo leydi Almaañ e Kiristinaa Kirshneer, hooreejo leydi Arsaatiin. Ɗumɗoo ko huunde teskinnde no feewi to bannge ɓeydagol darnde rewɓe e jiilgol fiyakuuji renndo.
Deɓi aayɗinde ɗum tan, ko Kiristinaa Kirshneer heɓaani arde tawtoreede finaal oo. Angelaa Merkel noon, wullii toon haa tampi, fotdiima toon e fettooɓe ɓee fotooje keewɗe sabu weltaare mum e poolgu nayaɓu Almaañ.
Haatumeere mbiruuji” kawgel fuku winndere
- Hitaande Kawɗo Ɗiɗmo Tataɓo Nayaɓo Leydi njuɓɓinndi
- 1930 Iriguway Arsaatiin Dental [67] Yugoslaawi Iriguway
- 1934 Itaali Cekoslowaaki Almaañ Otiris Itaali
- 1938 Itaali (2) Hongrie Beresil Suwed Farayse
- 1950 Iriguway (2) Beresil[note 5] Suwed Espaañ Beresil
- 1954 Almaañ hirnaange Hongrie Otiris Iriguway Suisse
- 1958 Beresil Suwed Farayse Almaañ hirnaange
- 1962 Beresil (2) Cekoslowaaki Sili Yugoslaawi Sili
- 1966 Angalteer Almaañ hirnaange Portigaal Dental sowiyet Angalteer
- 1970 Beresil (3) Itaali Almaañ hirnaange Iriguway/Meksik
- 1974 Almaañ hirnaange(2) Pays-Bas Poloñ Beresil RFA
- 1978 Arsaatiin Pays-Bas Beresil Itaali Arsaatiin
- 1982 Itaali (3) Almaañ hirnaange Poloñ Farayse Espaañ
- 1986 Arsaatiin (2) Almaañ hirnaange Farayse Belgique Meksik (2)
- 1990 Almaañ hirnaange(3) Arsaatiin Itaali Angalteer Itaali (2)
- 1994 Beresil (4) Itaali Suwed Bulgarie États- Unis
- 1998 Farayse Beresil Korowasi Pays-Bas Farayse (2)
- 2002 Beresil (5) Almaañ Turki Kore worgo Kore worgo/Japon
- 2006 Itaali (4) Farayse Almaañ Portigaal Almaañ (2)
- 2010 Espaañ Pays-Bas Almaañ Iriguway Afrik worgo
- 2014 Almaañ (4) Arsaatiin Pays-Bas Beresil Beresil (2)
Ɓurɓe heewde ko mballini
Ɓuri heewde ko wallini e joofirde kawgelaaji ɗii fof ko Almaañaajo biyeteeɗo Miroslav Klose (laabi 16). Ko hikka o ɓurtii Ronaldo mo Beresiil (laabi 15), rewi e makko ko Gerd Müller (laabi 14). Kono ɓuri heewde ko wallini e kewu gooto, faraysenaajo biyeteeɗo Just Fontaine : e pottital 1958 o wallinii laabi 13. Pele ko nayaɓo to bannge keewal ko wallini (12). Ko biyeteeɗo Solenko tan dañi wallinde laabi 5 e jaggondiral gootal, ko e hitaande 1994, nde kippu Riisi hawata Kamaruun (6-1). Kono noon, ɓurɗo seedtaneede waawde bal e yontaaji ɗii kala, ɓurɗo famɗude duuɓi ballinɗo, ɓuri juutde ko jogii raay (laabi tati), ko Pele. Pelee e Beresiil njiimii e kewu hee e kitaale 1958, 1962 e 1970. Yontodiiɓe Pele ko wiyeteeɓe Vava e Garinshaa, e Raymon Koppaa e Just Fontaine (Faraysenaaɓe) walla Franz Beckenbauer (Almaañnaajo).
FIFA woni Fédération internationale de football association (Dental winndereewal pelle fuku bal), ko fedde renndinnde pelle ngenndiije fuku bal. Ngal sosaa ko e hitaande 1904. Faandaare maggal ko ƴel- litde fuku bal e winndere ndee. Joɗnde maggal woni ko Zurich (Suisse) gila 1932. Ardii ngal hannde ko Sepp Blatter. Angal renndini fotde 209 fedde ngenndiire (209 leydi).
Bookara Aamadu Bah
