En njiyiino e FƁ 46 wonde : waktu naange woni waktu goonga ; so midi yonii, denndaangal montooruuji naange gonɗi Paris (Farayse), e Alsee (to Alaseri), e Ñame (to Niseer), e PortoNowo (to Beenee) kollitta kañum en fof ko waktuuji sappo e ɗiɗi. Saabii ɗum ko ɗee gure fof ngondi e jurol gootol. Nii woni waktu naange ko gooto wonande toɓɓe gonduɗe e juurol gootol kala. Ƴeew Natal 1. Waktu Goonga e nder Afrik. Waktu dagnaaɗo, walla dagtinaaɗo woni waktu mo montoor junngo walla jeyba hollata. Nde wonnoo leydi ina talloo e hoore mum, waktu goonga oo wonaa gooto baŋ-yoo-baŋ jurol fof, omo wayloo so neɗɗo tiindiima funnaange walla hirnaange.
Ñalawma waɗi ko waktuuji noogas e nay (24 waktu). Fuku leydi feccitaa e nder ɗii waktuuji 24, waktu fof waɗanaa lefol mum, waɗaa lefi 24: ko kannji ngoni Lefi-Noogaas e nay waktu. ɓiyraa lefi ko sabu lefol heen fof ko juri ɗiɗi pottitooji to gulli leydi ngoni keeri mum. ɓiyraa waktu ne, ko sabu nanondiraa walla hawraa ko toɓɓe gonɗe e nder lefol fof ngondi e waktu gooto. Ƴeew Natal 2.
Lefi-24-waktu : waktu dagiiɗo e nder aduna.
Ƴeew kadi Natal 3 : Waktu dagiiɗo e nder Afrik.
