Ɗee balɗe fof ina ñuumbee won’de Leydi Senegaal maa waylu jaagorɗe, ɗuum laatiima tawde kay e oo jamma 03 lewru bowte ko bettere mawnde ndee ayaawo senegaal yaltini doggol jaagorɗe kese ɗee. ;owgu nguu (guweernama oo) waɗnoo ko 39 jaagorgal hannde heddii heen ko 28 jaagorgal ngam ustude teddeendi e fereeji laamu nguu. Ko ɓuri heewde e jaagorɗe ɗee koko naatnaattondiraa yeru: Ahmaat Sal mo Donnaay joginoo ndema; o ɓeydanaama heen ngaynaaka. Aminata Loh mo heewɓe tooñatnoo e jaŋde mum joginoo senegaalnaaɓe wonɓe caggal leydi ɓeydaama heen yillotooɓe (Tuurism) kono kadi ko kanko woni jogiiɗo koRngol dowgu nguu (guweernama oo). Faati Tayaa Njaay Mammadu Makalum, Faatu gasama Jah mo lannda Jiboo Kah njahdii e meenaali baali. 11 jaagorgal njaltii laamu nguu ko ɓe njoginoo naattinaama e jaagorɗe ɗee. Keso garɗo ko gooto hono Jammee siñaatee.
Abdullaay Wad wiyiino ko potal rewɓe e worɓe kono e nder ɗowgu kesu nguu ko worɓe 24 e rewɓe 4 tan? ɓaywaylo oo heewaa ko naanaattini oo ɓuri heewde. Farba Senŋoor joginooɗo ruso (transports ) nawtaama njeewgu. Abdurahiim Añ jogii Peewnugol Jeerennde e ballondiral diiwanuuji (Aménagement du Territoire et Cooperation décentralisé) Jiboo kah heddiima e taariindi ɓeydaa heen beeli e jaalli.
