Fedde wiyeteende Fedde Ɓamtaare Pulaar e Muritani nde, ko tiitoonde, ko nde maantorde wonnannde Muritaninaaɓe kala.
Mi salminii banndiraaɓe ɓe mo woni e mooɗon fof innde muuɗum e yettoode muuɗum. Mi salminii hoɓɓe meeɗen tedduɓe ɓe, hono senegaalnaaɓe arɓe tawtoreede hitaande 30ɓere jibineede Fedde Ɓamtaare pulaar e Moritani. Banndiraaɓe musiɗɓe, ina moƴƴi mbaɗten hakkillaaji no feewi.
Fedde wiyeteende Fedde Ɓamtaare Pulaar e Muritani nde, ko tiitoonde, ko nde maantorde wonnannde Muritaninaaɓe kala. ɓonaa tan fulɓe ɓe, alaa ko Muritaninaaɓe kala. ɓon biyɗo naane, seeɗa alaa ko barke woodi ! Fedde nde ina waɗaa barke. Pelle keewɗe njibinaama heen, mbaawii waɗde geɗe keewɗe e huufde e yaajnude ɗemngal ngal e yaajnude pinal ngal. Pelle goɗɗe kadi mbaawii tafeede, e fawaade e Fedde Ɓamtaare Pulaar e Muritani. Kono ina moƴƴi banndiraaɓe, sehilaaɓe wooda ko paam-ɗen : neɗɗo hoto ƴeew ɗo yani ɗo, yo o ƴeew to o fergitii ɗo. Enen teppi en ko pollitik, haalaaka ɗooyenne kono ko politik teppi en.
Hol daliilu muuɗum ?
E hitaande 1979, caggal goytaali e yimɓe ndewi heen dow e les mbaɗi feere fof haa Duɗal Ɗemɗe Ngenndiije waɗaa e fawaade e yamiroore, waɗee duuɓi jeegom ƴeewndorɗe, mbele ɗemɗe ɗe ƴeewee hol tolno mum en e ko ɗe kuɓindii to bannge karallaagal jaŋde. Hitaande 1999, yamiroore woɗnde ari wiyaama duɗal ɗemɗe ngenndiije ittaama, waɗtoyaama jaaɓi haaɗtirdi. Alla anndi ko kiin jaaɓi ko jogori jibinde jaaɓi e jaaɓre. ɓon kaalɗo ɗum ɗo jooni… daliilu goɗɗo kuulal 6 doosɗe leydi moritani wiyi: “Ɗemɗe ngenndiije moritani ko Arab, Pulaar,Soninke e wolof. Ɗemngal laamu ko arab”. Ene wayi no en puɗɗitiima kadi laawol…
Ndeke moƴƴi ko FƁPM, FƁS, FP Wolof e fedde Ɓamtaare koreeji men Aarabeeɓe e pelle goɗɗe bayɗe no Afrik Ummital, e pelle goɗɗe pineyankooje, ɗe ngara ɗe njooɗodoo ɗe kaaltida. Ɗe ƴeewa wallondirde e peeje. Ɗum noon njuɓɓen, njuɓɓinen koye men mbaawen woytaade e wullitoyaade to laamu …
Banndiraaɓe, on njaaraama.
