Goomu kumpital waɗii jokkondire maantinɗe e daawal ɓennungal ngal. Gadanal ngal ko ɓataake feewde e Kuuɓal Dowla Toppitiingal Haɓde e Sida, ngam ɗaɓɓirde ɗum gollondiral ko fayti e jeeyngal ngam haɓde e Sida. ;iɗmal ngal ko feewde e Kalifu Kumpital leydi ndi, caggal nde ɓe mbinndaa ɓataake, ɓe neldaa denndaangal tonngooɗe Fooyre jaltunooɗe e ko wattindii ko.
Nii woni, musiɗɗo Bookara Aamadu jokkondiri e kalifu Kumpital hono Sheex ɓul Ebbe, caggal ɗum e Koolaaɗo Kuuɓal o, hono Lalla Mariyam Mullaay Idriis.
O heɓii hollitde ɓe caɗeele Fooyre Ɓamtaare e hollitde ɓe wonde ndeeɗoo jaaynde ina seerti e jaayɗe keddiiɗe ɗe, nde tawnoo ko kayre wootere woni yaltoore e ɗemngal ngenndiwal, gaa gaa Arab. Kalifu Kumpital jaɓɓiima en no moƴƴi, faamii ɗaɓɓaande men, tee huniima, ko fayi arde, maa Fooyre Ɓamtaare humpite kala ko ina waɗee. O ñaamtaani konngol makko, sibu ñalnde 31-10-06, musiɗɗo Aamadu Umar Jah, tawtoraama, e innde Fooyre Ɓamtaare kewu baɗnooɗo to Palais des Congrès njowitiingu e woote payɗe ɗe. Koolaaɗo Kuuɓal oo ne ko noon : o hollii heɓaare mawnde, o huniima waasde yejjitde hujjaaji o hollitaa ɗi, e wallitde so tawii heedii. O rokkii wasiyaaji wonande loowdi ndi haa arti noon e yiɗde mo yiyde binndanɗe ballooje janngude Pulaar e jaaynde he.
Bookara Aamadu Bah
