Oo belaa winndere udditiri ko hiirde naalankagal mawngal to Seweto. Desmond Tutu wiyi ñalnde heen : “ Koli ko hannde weli ! Afrik worgo ina jaɓɓoo winndere ! Ɗoo woni winndere ! Min mbismiima wirndere! ”. To Estaad Orlando to Soweto raay fuku winndere udditir jofnde 11 suwee 2010. 35 000 neɗɗo ina tawtoraa, ko ɓuri heen heewde ina mbeeyna araaraay Afrik worgo, kono kadi Angalteer, Amerik, Espaañ e ko wonaa ɗe leyɗe tan. Udditi hiirde nde ko guttoowo (jom coorumbal) “torompet” biyeteeɗo Hugh Maseka, kam e jimoowo Afrik worgonaajo : ɓe udditiri ko jimol Mariyam Makeba lollungol, biyeteengol Pata-pata. Yimɓe fof moɗti poofaali. Jonte nay haa njahda e naange ko fuku tan jogori haaleede.
Caggal ɗum ko hooreejo Fedde huɓtodinnde Fuku hono Sepp Blatter kam e Jakob Sumaa naati dingiral. Sumaa ina wakkii lefol tawi nataa heen ko araaraay leydi ndi. O yetti ɓesngu leydi ndi sabu jaɓɓungal mum en winndere nde. O wiyi “ fotii ko Afrik yuɓɓini oo ɗoo kewu ”. Eɗen mbaawi wiyde wonde kippuuji Afrik ko jogorɗi yeeŋde ko yaaccii.
