Guwermamaa Abdul Ajiiju yettinii Asammbelee Ngenndi eɓɓaande sariya memtotoodo sariya 2005-047 mo 20 suliyee 2005, jowitiiɗo ehare feewde e ownugol. Ko teskini e ngol memtagol ko ƴettude kuule ɗe kormaaki yoga e dame Doosɗe leydi (Constitution) walla nii mbiyen ko kuule jaɓɓooje ɗum, nduttoo njaɓɓa hakkeeji gorwori ɗi aadee. Hol ko waɗi en wiyde noon ? Waɗi en wiyde noon ko ɗii ɗoo yeruuji :
- Neɗɗo ina waawi moofteede, fawee yitere ko ina tolnoo e balɗe cappande nay e joy, (45) tawi adan, ko waktuuji 48 so heewii diwataa waktuuji 96.
- Neɗɗo ina waawi nanngeede mooftee fotde duuɓi nay tawa ñaawaaka.
- Polis ina waawi, e kala sahaa, arde wiñoo galle maa, so jamma so ñalawma.
- Porokiroor (wakiilu dowlae nder naawirde) ina waawi nawde neɗɗo kasoo tawa ññaawoowo cunnotoodo (juge ɗinstruction) yamiraani.
- Kasetaaji mañetoo maa wideyoo ina mbaawi lomtaade e wonde seeɗamfaaguujie dow fotnoobetawtoreede ñaawooje ɗee.
- Kaake tuumaaɗo o ina mbaawi teetteede e dow yamiroore porokiroor.
Ɗe ɗoo kuule kala ciftinta en ko kasoo mo Georges Bush udditnoo to leydi Kubaa ina dummba heen yimɓe tuumaaɓe ko ownooɓe walla Ngenndiyankooɓe kaląa e kala muuyaaɗo potal e nuunɗal ina poti daraade paloo oo sariya duttinoowo en caggal, sabu ko ɗum ballitoojum tooñooɓe, huutortooɓe doole laamu ina tabitina muuyaaɗe mumen. Eɗen njoganii ɗum hannde yeru laaɓtuɗo sabu jokkugol nanngude WUL HANEFI, jaayndiyanke Takadoumy e nder kasoo, caggal nde joofni dumunna mo sariya taƴannoo ɗum. Ɗum ɗoo, ko ndoolaagu puuyngu tan waawi ɗum waɗde.
Maamuudu Haaruuna Joop
