Moongel yuɓɓinii ñalɗi pinal tuggi ñalnde 12 lewru ut 2009 haa 18 ut 2009. Gure nootitiiɗe e ñalɗi ɗi ko Lugge Saybooɓe e Ganki e Maafoondu e huunde e gure tokoose taariiɗe Moongel. Golle ñalɗi ɗi ko hono nii lelorii :
Ñalnde alarba 12/08/09 saanga w 4ɓo kikiiɗe haa w7ɓo kikiiɗe ko jaɓɓungal, jamma ko diisnondiral hakkunde ardiiɓe gure ɗee.
Ñalnde alkamiisa 13/08/09, subaka ko udditgol ñalɗi ɗi e seppo ngam hollitde finaa-tawaa men. Hay safalɓe nokku o kollitii finaa-tawaa mum en. Kikiiɗe ko fuku bal hakkunde Moongel e Lugge Saybooɓe (0-0), jamma ko hiirde pinal ; yuɓɓini hiirde nde ko goomu pinal wuro Moongel.
Ñalnde aljuma 14/08/09, subaka ko pittugol wuro Moongel, kikiiɗe ko fuku bal hakkunde Ganki e Maafoondu (0-0), jama ko yeewtere pinal.
Ñalnde aset 15/08/09, subaka e kikiiɗe ko fuku bal ; pottitte ɗee ko Lugge Saybooɓe e Maafoondu (0-0) ; e Ganki e Moongel (1-0) ; jamma ko hiirde pinal; yuɓɓini ɗum ko gure garnooɗe nootitaade e ñalɗi ɗi.
Ñalnde alet 16/08/09, subaka e kikiiɗe ko fuku bal ; pottitte ɗee ko Ganki e Lugge Saybooɓe (0-0) e Maafoodu e Moonngel (0-1), jamma ko hiirde naalankaagal ; yuɓɓini ɗum ko naalankooɓe wuro Moongel.
Ñalnde altine 17/08/09, subaka ko ƴaro ; kikiiɗe ko pottital cakkital kawgel ngel ; pottital ngal wonno ko hakkunde Ganki e Moongel (1-0). Ko Ganki nawi raay kawgel ngel. Jamma ko batu ciimtol golle ñalɗi ɗi.
Ñalnde talaata 18/08/09 subaka saanga w 9ɓo ko duuso gure garnooɗe nootitaade e ñalɗi ɗi.
Eɗen njetta denndaangal ɓesngu Moongel nde waawi yuɓɓinde ɗii ɗoo ñalɗi haa mo woni kala dañi heen weltaare. Eɗen ñaagoo Geno toowɗo o nde sellinta doole ; moƴƴina battane : ɓeyda barke o, hokka en tawtoreede hitaande faynde. (Aamin) Noowammbar Jolal 30 Desammbar Bowte 31 -Ñalnde talaata 18/08/09 subaka saanga w9ɓo ko duuso gure garnooɗe nootitaade e ñalɗi ɗi.
Nulaaɓe Fooyre Ɓamtaare :
Abuu Aamadu Joop e Abuu Umar Kan to Lugge Sayɓооɓе
